Collavuratura u collavuratur Archivaziun

Uffizi da cultura / Biblioteca chantunala dal Grischun | 60 % | Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per l'Uffizi da cultura / Biblioteca chantunala dal Grischun tschertgain nus per il 1. d'october 2024 u tenor cunvegna ina collavuratura u in collavuratur Archivaziun.

Voss champ d'incumbensas

  • Vus avais la responsabladad per preparar las medias (equipar differents tips da medias cun segiranzas RFID, cun plachettas da signatura e.u.v.).
  • Per sustegnair la partiziun Utilisaziun faschais Vus servetschs d'emprest durant l'emna e durant intginas sondas.
  • En il rom da l'engaschament per la partiziun Utilisaziun tgirais Vus la contabilitad e las admoniziuns.

Quai che nus giavischain da Vus

  • Vus essas spezialista u spezialist d'infurmaziun e documentaziun u avais in diplom equivalent. 
  • D'avantatg avais Vus experientscha cun il sistem da biblioteca Alma.
  • Vus avais gia experientscha pratica en il servetsch d'emprest.
  • Vus avais inschign manual, plaschair dal contact cun la clientella ed applitgais senza problems ils programs da Microsoft Office.
  • Enconuschientschas d'ina segunda lingua chantunala èn giavischadas.

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi da cultura, Bibliotheca chantunala
Karlihofplatz
7001 Cuira

Per dumondas stat Nadine Wallaschek, bibliotecara chantunala, gugent a Vossa disposiziun per telefon sut 081 257 28 22 u per e-mail sut nadine.wallaschek@kbg.gr.ch.

Termin d'annunzia: 
21 da fanadur 2024

Nus ans legrain da Vossa annunzia online e da far Vossa enconuschientscha.