Manadra u manader da la partiziun Mesiras agriculas

Uffizi d'agricultura e da geoinfurmaziun | 80–100 % | Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi d'agricultura e da geoinfurmaziun è in post da servetsch dal Departament d'economia publica e fatgs socials. El cumpiglia quatter partiziuns: Mesiras agriculas, Meglieraziuns da structura, Mesiraziun e Center da cumpetenza dal SIG.

La partiziun Mesiras agriculas è responsabla per realisar la politica agrara da la Confederaziun en ils secturs pajaments directs, protecziun da las auas en l'agricultura, fittanza agricula sco er en secturs parzials dal dretg funsil puril. En Vossa funcziun manais Vus 16 collavuraturas e collavuraturs e faschais part da la direcziun da l'uffizi. Plinavant participais Vus activamain a l'ulteriur svilup da la politica chantunala d'agricultura e da promoziun. Vus represchentais il chantun en gremis spezialisads ed en projects sin plaun chantunal e naziunal. 

Nus As purschain ina incumbensa variada e da gronda responsabladad tar l'administraziun chantunala. Vus lavurais en in team cumpetent e motivà ed inscuntrais ina cultura d'interpresa positiva ed orientada als servetschs ed a las finamiras, cun curtas vias da decisiun.

Per la partiziun Mesiras agriculas tschertgain nus per il 1. da december 2024 u tenor cunvegna ina manadra u in manader da partiziun motivà cun experientscha da manar persunas (80–100 %).

Voss champ d'incumbensas

  • Realisar confurm a la lescha, da maniera economica ed entaifer ils termins previs la politica agrara federala che tutga al champ da cumpetenza da l'uffizi 
  • Exequir ils pajaments directs, la protecziun da las auas en l'agricultura, il dretg da fittanza agricula e per part il dretg funsil puril 
  • Gidar a concepir, sviluppar vinavant e realisar la politica chantunala d'agricultura e da promoziun 
  • Represchentar il chantun en gremis spezialisads ed en projects sin plaun chantunal e naziunal
  • Cooperar a consultaziuns ed ad audiziuns

Quai che nus giavischain da Vus

  • Motivaziun per in'activitad da responsabladad a favur da noss manaschis purils famigliars 
  • Studi terminà sco MSc en scienzas agraras SPF u ina scolaziun equivalenta 
  • Plirs onns experientscha professiunala ed experientscha da manar persunas
  • Cumpetenza specifica agricula e bunas enconuschientschas da las relaziuns economicas, socialas e politicas dal Grischun
  • In pensar ed agir innovativ che s'orientescha a princips d'interpresa sco er a servetschs ed a soluziuns
  • Plaschair da prender decisiuns e forza da persvader 
  • Gronda prontezza a la prestaziun e fidadadad
  • Bunas enconuschientschas d'autras linguas chantunalas

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi d'agricultura e da geoinfurmaziun
Ringstrasse 10
7001 Cuira

Per dumondas davart la professiun stat Daniel Buschauer, manader da l'uffizi, gugent a Vossa disposiziun sut il numer da telefon 081 257 24 31.

Termin d'annunzia: 
9 d'avust 2024

Nus ans legrain da Vossa annunzia online e da far Vossa enconuschientscha.