Managera da datas u manager da datas per open government data (OGD)

Uffizi per economia e turissem | 80–100 % | Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il sectur specific Datas e statistica da l'Uffizi per economia e turissem elavura la statistica publica e las basas relevantas da l'economia publica tenor temas per il chantun Grischun. Plinavant stabilescha il sectur specific actualmain il management da datas per la gestiun dad open government data (OGD) en l'administraziun chantunala. Il team lavura en sia funcziun e cun la cumpetenza da datas avant maun sco impurtant liom tranter la politica, l'administraziun, la publicitad, l'economia e la scienza.

Nus tschertgain per immediat u tenor cunvegna ina managera da datas u in manager da datas per open government data (OGD).

Voss champ d'incumbensas

  • Collavurar tar l'installaziun sco er tar la gestiun da la purschida dad OGD en collavuraziun cun ils partenaris participads.
  • Tgirar e publitgar las datas da las plattafurmas dad OGD sco er munir tala cun metadatas standardisadas.
  • Identifitgar las unitads da datas (roadmap) ch'èn da publitgar, ensemen cun ils differents proprietaris da datas dals posts da servetsch da l'administraziun chantunala.
  • Etablir process e standards per la registraziun da datas, per la qualitad e la segirezza da las datas sco er per la gestiun da las datas.
  • Collavurar cun partenaris entaifer l'administraziun ed externs sco er cun ulteriuras gruppas d'interess e cun gruppas specificas per promover e per sviluppar vinavant la purschida dad OGD (OGD – community e rait).

Quai che nus giavischain da Vus

  • Diplom d'ina scola auta u d'ina scola auta spezialisada en economia, management d'infurmaziuns, scienzas da datas u en in sectur sumegliant.
  • Bunas enconuschientschas ed experientscha per gestiunar ed elavurar datas.
  • Fitg bunas enconuschientschas dal tudestg a bucca ed en scrit; bunas enconuschientschas da l'englais, ulteriuras linguas chantunalas èn d'avantatg.
  • Enconuschientschas da basa da Python, R, CKAN, SPARQL ed API èn d'avantatg.
  • Pensar analitic ed orientaziun al detagl cun moda da lavurar orientada a las soluziuns.
  • Persunalitad innovativa ed independenta che lavura gugent en il team ed ha gugent sfidas.

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi per economia e turissem
Ringstrasse 10
7001 Cuira
Vossas dumondas As respunda gugent dr. Luzius Stricker, manader Datas e statistica, telefon 081 257 23 74, luzius.stricker@awt.gr.ch

Termin d'annunzia: 11 d'avust 2024
Nus ans legrain da Vossa annunzia online e da far Vossa enconuschientscha.