Giurista u giurist per il Servetsch giuridic / actuariat

Autoritad per la protecziun d'uffants e da creschids dal Grischun | 90 % | Tavau Plaz

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Autoritad per la protecziun d'uffants e da creschids APUC è qua per persunas en miseria. Tgi che dovra agid e sustegn, po sa fidar da la APUC. Tar nus n'è betg in di sco l'auter. En il team interdisciplinar concepin nus activamain in avegnir segir per persunas creschidas, famiglias, uffants e giuvenils cun basegn da protecziun.

Nus tschertgain per immediat u tenor cunvegna ina giurista u in giurist per il Servetsch giuridic / actuariat per la APUC Grischun, filiala Partenz / Tavau. 

Voss champ d'incumbensas

  • Sustegnair las commembras ed ils commembers da l'autoritad en connex cun l'elavuraziun e la redacziun da sbozs da decisiun e da protocols d'audiziun
  • Elavurar en moda independenta las proceduras attribuidas (fatschentas che dovran in consentiment tenor l'art. 416 CCS, adopziuns, regulaziuns d'aliments e.u.v.)
  • Cussegliar las commembras ed ils commembers da l'autoritad e las procuraturas ed ils procuraturs en dumondas giuridicas materialas e formalas (dretg da la protecziun d'uffants e da creschids, dretg matrimonial e d'ierta, fatschentas da bains immobigliars, dretg d'assicuranza, dretg privat internaziunal)
  • Cooperar e sustegnair professiunalmain las commembras ed ils commembers da l'autoritad en la procedura da la protecziun d'uffants e da creschids 
  • Rediger consultaziuns tar recurs cunter decisiuns da la APUC
  • Collavurar tar l'ulteriur svilup da l'organisaziun existenta e dals standards specifics
  • Rediger disposiziuns proceduralas
  • Far protocols ed audiziuns

Quai che nus giavischain da Vus

  • Studi da giurisprudenza terminà (MLaw ubain lic. iur.)
  • Da preferenza experientschas professiunalas (da praticum)
  • Fitg bunas enconuschientschas dal tudestg a bucca ed en scrit, enconuschientschas dal talian èn d'avantatg
  • Fitg bunas abilitads da s'exprimer linguisticamain sco er bunas enconuschientschas d'utilisar ils programs da Microsoft Office
  • Ina moda da lavurar exacta, interdisciplinara ed orientada a las soluziuns
  • Ina persunalitad flexibla ch'è abla da lavurar en in team e cun in pensar cumplessiv
  • Gronda cumpetenza sociala ed empatia envers persunas en situaziuns da vita difficilas

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

KESB Partenz/Tavau
Talstrasse 2a
7270 Tavau Plaz
Per dumondas stat Urs Werner, manader da la filiala Partenz / Tavau da la APUC, gugent a Vossa disposiziun sut il numer da telefon 081 257 63 10.

Termin d'annunzia: 25 da fanadur 2024
Nus ans legrain da Vossa annunzia online e da far Vossa enconuschientscha.