Collavuratura u collavuratur per la tegnida da muvel da latg

Plantahof | 80–100 % | Landquart

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Plantahof è in post da servetsch dal Departament d'economia publica e fatgs socials ed il center da cumpetenza per la furmaziun e la cussegliaziun agricula en il chantun Grischun. Ultra da la scola professiunala spezialisada d'agricultura porscha il Plantahof diversas scolaziuns da cuntinuaziun, curs da perfecziunament e dietas. Plinavant è el cumpetent per la cussegliaziun e l'intermediaziun cumplessiva da savida spezialisada a favur dals manaschis agriculs e dals manaschis d'alp dal Grischun e d'ulteriurs circuls che han in connex cun temas da l'agricultura. Per quests intents maina el er in agen bain puril d'emprova en quatter differents lieus, inclusiv duas butias dal bain puril. La finala dispona el er d'in center da dietas cun internat, auditori e manaschi d'alimentaziun.

Nus tschertgain per il 1. da favrer 2025 u tenor cunvegna ina collavuratura u in collavuratur per la tegnida da muvel da latg.

Voss champ d'incumbensas

  • Liquidar tut las lavurs che resultan en la stalla da muvel da latg
  • Pavlar ils animals
  • Mulscher
  • Tgirar animals
  • Tut tenor l'interess pudais Vus collavurar la stad sin il manaschi d'alp e da muntogna a Parpan

Quai che nus giavischain da Vus

  • Emprendissadi terminà sco pura u pur ubain scolaziun equivalenta
  • Persunalitad fidada, da buna luna ed abla da lavurar en in team
  • Ina moda da lavurar independenta ed orientada a soluziuns
  • Permiss da manischar da la cat. B cun examen da chars annexs

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Plantahof
Kantonsstrasse 17
7302 Landquart

Per dumondas stat Marco Bettini (manader da la tegnida d'arments) gugent a Vossa disposiziun sut il numer da telefon 078 854 05 08.

Termin d'annunzia: 18 d'avust 2024

Nus ans legrain da Vossa annunzia online e da far Vossa enconuschientscha.