Referendaria u referendari per l'incassament da taglia

Administraziun da taglia / Departament da finanzas e vischnancas | 80–100 % | Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Administraziun chantunala da taglia è in post da servetsch dal Departament da finanzas e vischnancas dal chantun Grischun. Ella è responsabla per exequir la Lescha chantunala da taglia e la Lescha federala davart la taglia federala directa.

En questa cumpetenza surpiglia la partiziun Contabilitad, nua che la plazza publitgada è domiciliada, la responsabladad per la facturaziun da las pretensiuns da taglia sco er las acziuns d'incasso correspundentas e la contabilitad da taglia. 

Nus tschertgain per il 1. da settember 2024 u tenor cunvegna ina referendaria u referendari per l'incassament da taglia en l'Administraziun da taglia / tar il Departament da finanzas e vischnancas.

Voss champ d'incumbensas

  • Vus essas responsabla u responsabel per l'administraziun dals debiturs, vul dir l'incasso da las pretensiuns da la taglia federala e chantunala, quai cun la finamira da reducir la ristga ch'ils debiturs na pajan betg e da minimar eventualas perditas
  • Vus essas la persuna da contact per ils pajataglias, acceptais lur dumondas e chattais cuminaivlamain soluziuns realisablas
  • Vus controllais las dumondas da prorogaziun e da pajament en ratas, survegliais respectivamain cudeschais ils termins e las entradas dals pajaments
  • Mesiras da segirada ston vegnir inoltradas – sche necessari – e proceduras da scussiun e da concurs sco er sanaziuns ston vegnir realisadas entaifer il termin
  • Collavurar en projects che stattan en connex cun l'incassament da taglia e sustegnair la direcziun en sias activitads
  • Surpigliar ulteriuras lavurs administrativas che resultan entaifer la partiziun Contabilitad e dar infurmaziuns davart dumondas generalas d'incassament da vart da las vischnancas e da terzas persunas

Quai che nus giavischain da Vus

  • Scolaziun commerziala da basa
  • Experientscha professiunala en l'administraziun dals debiturs
  • Enconuschientschas solidas en il dretg da scussiun e da concurs
  • In bun dun receptiv ed in pensar cumbinatoric
  • Grond grad d'independenza ed ina ferma conscienza per la qualitad
  • Bunas enconuschientschas a bucca ed en scrit dal tudestg Enconuschientschas d'ina segunda lingua uffiziala èn d'avantatg

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Administraziun da taglia
Steinbruchstrasse 18
7001 Cuira
Nus ans legrain da Vossa annunzia online e da far Vossa enconuschientscha.