Collavuratura commerziala u collavuratur commerziala per la contabilitad da taglia

Administraziun da taglia / Departament da finanzas e vischnancas | 60 % | Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Administraziun chantunala da taglia è in post da servetsch dal Departament da finanzas e vischnancas dal chantun Grischun. Ella è responsabla per exequir la Lescha chantunala da taglia e la Lescha federala davart la taglia federala directa.

En questa cumpetenza surpiglia la partiziun Contabilitad, nua che la plazza publitgada è domiciliada, la responsabladad per la facturaziun da las pretensiuns da taglia sco er las acziuns d'incasso correspundentas e la contabilitad da taglia.

Nus tschertgain per il 1. da settember 2024 u tenor cunvegna ina collavuratura commerziala u in collavuratur commerzial per la contabilitad da taglia en l'Administraziun da taglia / tar il Departament da finanzas e vischnancas.

Voss champ d'incumbensas

  • Elavurar pajaments da posta e da banca manuals ed electronics
  • Far tut las quittanzas da cudeschaziun e da coordinaziun respectivas
  • Far las quittanzas da pajament e da cudeschaziun per las restituziuns da taglia
  • Far il rendaquint davart las taglias e las multas da la taglia federala directa
  • Collavurar en connex cun lavurs da project en la contabilitad da taglia e sustegnair la direcziun en sias activitads

Quai che nus giavischain da Vus

  • Scolaziun commerziala da basa, d'avantatg cun furmaziun supplementara en finanzas ed en contabilitad
  • Experientscha professiunala en fatgs da finanzas e da contabilitad u en l'administraziun
  • In bun dun receptiv ed in pensar cumbinatoric
  • Grond grad d'independenza e ferma conscienza per la qualitad
  • In flair per cifras ed ina gronda flexibilitad
  • Bunas enconuschientschas a bucca ed en scrit dal tudestg

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Administraziun da taglia
Steinbruchstrasse 18
7001 Cuira
Nus ans legrain da Vossa annunzia online e da far Vossa enconuschientscha.