Commembra u commember dal cussegl d'administraziun da l'Ovra electrica Pintrun SA (represchentanza chantunala)

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'ovra electrica Pintrun è en funcziun dapi l'onn 1944. Ella tira a niz l'aua dal Flem e producescha var 30 uras gigawatt electricitad per onn. La concessiun per l'ovra electrica scada ils 30 da november 2024. Suenter tractativas intensivas èn la vischnanca da Trin ed il chantun sa cunvegnids cun la concessiunaria actuala da cuntinuar cun il manaschi da l'ovra electrica Pintrun a partir dal 1. da december 2024 en l'Ovra electrica Pintrun SA che duai vegnir fundada da nov.

Voss champ d'incumbensas

L'Ovra electrica Pintrun SA duai vegnir organisada sco ovra partenaria. Ils partenaris èn: vischnanca da Trin (70 %), chantun Grischun (10 %) ed Axpo Hydro Surselva SA (20 %). La Regenza dal chantun Grischun ha il dretg da suttametter al cussegl d'administraziun per mauns da la radunanza constitutiva ina proposta electorala per sa participar al cussegl d'administraziun da la societad (represchentanza chantunala).

Quai che nus giavischain da Vus

A chaschun da la radunanza constitutiva da l'avust 2024 èn necessarias emprimas elecziuns per il cussegl d'administraziun da l'Ovra electrica Pintrun SA. En il rom dal process da nominaziun tschertga il chantun Grischun ina persunalitad cumpetenta e prospectiva che

  • ha experientscha en process strategics ed è abla da s'integrar correspundentamain,
  • pensa tenor princips d'interpresa e che ha enconuschientschas da l'economia d'energia,
  • enconuscha l'ambient da la politica d'energia sin plaun naziunal e chantunal ed è buna da far valair ils interess grischuns dal chantun e da las vischnancas.

Lieu da lavur

departement d'infrastructura, engeria e mobilitad
Kraftwerk Pintrun
Per dumondas stattan Orlando Nigg, secretari general a.i. dal Departament d'infrastructura, energia e mobilitad (DIEM) (tel. 081 257 36 18, e-mail orlando.nigg@diem.gr.ch), gugent a Vossa disposiziun.

Termin d'annunzia: 19 da fanadur 2024
Nus ans legrain da Vossa annunzia online e da far Vossa enconuschientscha.