Giurista u giurist sco actuara u actuar a la Dretgira regiunala Plessur

Dretgira regiunala Plessur | 50 % | Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Dretgira regiunala Plessur è ina dretgira civila e penala d'emprima instanza cun sedia a Cuira. Ella cumpiglia er la Dretgira chantunala da mesiras repressivas, l'Autoritad chantunala da mediaziun per dumondas d'egualitad sco er l'Uffizi da mediaziun cun l'Autoritad da mediaziun per dumondas da locaziun da la regiun Plessur. La chargia da lavur sa chatta tar ca. 2000 cas per onn (inclusiv cas da la Dretgira da mesiras repressivas). L'actuariat è occupà actualmain cun set persunas e cun 600 pertschients da plazzas e liquidescha ina part considerabla da la chargia da lavur.

Per la Dretgira regiunala Plessur tschertgain nus per il 1. da december 2024 u tenor cunvegna ina giurista u in giurist sco actuara u actuar da dretgira.

Voss champ d'incumbensas

  • Scleriments giuridics en il dretg civil e penal sco er en il sectur da la Lescha federala davart la scussiun ed il concurs.
  • Sustegn da las derschadras e dals derschaders en la direcziun dal process.
  • Protocollaziun durant las tractativas giudizialas ed en connex cun las registraziuns da cumprovas.
  • Rediger decisiuns, sentenzias, conclus e disposiziuns.
  • Dal rest resultan las incumbensas da la Lescha davart l'organisaziun giudiziala (DG 173.000).

Quai che nus giavischain da Vus

  • In studi da giurisprudenza terminà en Svizra, sche pussaivel cun patenta d'advocata u d'advocat.
  • Experientscha professiunala, en il cas ideal tar ina dretgira, en in'advocatura u tar l'administraziun publica.
  • Moda da lavurar structurada, prospectiva, independenta e precisa.
  • Persunalitad fidada ch'è abla da lavurar en in team e da supportar squitsch.

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Dretgira regiunala Plessur
Theaterweg 1
7001 Cuira
Per dumondas stat Xavier Dobler (derschader en uffizi principal) u Nicole Kuoni (actuara) gugent a Vossa disposiziun sut il numer da telefon 081 257 59 00.

Termin d'annunzia: 26 da fanadur 2024
Nus ans legrain da Vossa annunzia online e da far Vossa enconuschientscha.