Manadra u manader da project per l'Egualitad

Secretariat dal departament DECA, Post da stab per l'egualitad da las schanzas per dunnas ed umens | 70 % | Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Post da stab per l'egualitad da las schanzas per dunnas ed umens è il post spezialisà chantunal per dumondas d'egualitad. Dapi l'onn 1996 cusseglia il post persunas, organisaziuns, interpresas ed autoritads en dumondas davart l'egualitad e l'egualitad da las schanzas, realisescha projects per promover l'egualitad effectiva, sensibilisescha e qualifitgescha per sfidas e per propostas da soluziun e documentescha il svilup. Per cuntanscher lur finamiras lavura il post da stab en moda interdisciplinara e tgira il barat colleghial cun differentas organisaziuns, instituziuns ed interpresas. Organisatoricamain è il post affilià als Servetschs dal Departament d'educaziun, cultura e protecziun da l'ambient.

A partir dal 1. da schaner 2025 u tenor cunvegna tschertgain nus ina manadra u in manader da project per l'Egualitad cun accent «egual21 – Plan d'acziun per l'egualitad en l'administraziun chantunala». Zunt spezialmain ans legrain nus er da las annunzias dad umens!

Voss champ d'incumbensas

  • Vus avais la responsabladad per realisar il project «egual21 – Plan d'acziun per l'egualitad en l'administraziun chantunala». Latiers tutgan tranter auter la concepziun e la realisaziun da projects parzials, la tgira dals contacts entaifer l'administraziun e l'organisaziun da furmaziuns supplementaras e d'occurrenzas. En quest connex lavurais Vus cun la gruppa da project dad egual21, l'Uffizi da persunal, ils posts da servetsch, ils secretariats dal departament, la Chanzlia chantunala e persunas spezialisadas externas. 
  • Vus administrais la biblioteca d'egualitad ch'è accessibla publicamain. En questa funcziun essas Vus er la persuna responsabla per in'occurrenza annuala en la Biblioteca da la citad da Cuira.
  • En il sectur tematic da furmaziun e tscherna da professiun procurais Vus per l'ulteriur svilup strategic, realisais sche necessari activitads e represchentais il Post da stab per l'egualitad da las schanzas per dunnas ed umens en la gruppa spezialisada Furmaziun da la Conferenza svizra da l'egualitad tranter dunnas ed umens (SCS).
  • Vus sustegnais il team dal Post da stab per l'egualitad da las schanzas per dunnas ed umens en connex cun la lavur da publicitad e tar la realisaziun da projects e d'activitads en ulteriurs champs d'acziun strategics sco violenza e schlattaina, munds professiunals, politica u societad.

Quai che nus giavischain da Vus

  • Vus essas ina persunalitad che ha plaschair da contacts cun spiert da team che enconuscha bain la tematica d'egualitad.
  • Sco talent da coordinaziun essas Vus versada u versà da manar projects cumplexs tenor il cuntegn sco er en moda organisatorica e finanziala.
  • Igl è facil per Vus d'intermediar connexs cumplexs confurms a la gruppa en mira ed a la plattafurma.
  • Vus lavurais cun senn da responsabladad ed en moda independenta ed avais ina demananza segira. 
  • Vus avais d'in diplom universitar en scienzas umanas u en scienzas socialas u avais absolvì ina scolaziun equivalenta ed experientscha en la direcziun da projects ed en process socials.
  • Enconuschientschas dal talian e/u dal rumantsch èn d'avantatg.

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Departament d'educaziun, cultura e protecziun da l'ambient
Loëstrasse 26
7001 Cuira
Nus ans legrain da Vossa annunzia online e da far Vossa enconuschientscha.