Collavuratura u collavuratur da chanzlia

Administraziun chantunala | 20 % (da preferenza 2 mezs dis) | Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Administraziun da taglia dal Grischun è responsabla per taxar ed incassar las taglias en il chantun Grischun. Ella sustegna las burgaisas ed ils burgais en fatgs da taglia e procura per in incassament da taglia gist ed effizient. La partiziun Revisurat è cumpetenta per la taxaziun da las persunas giuridicas.

Per l'Administraziun da taglia / Departament da finanzas e vischnancas tschertgain nus per il 1. d'october 2024 u tenor cunvegna ina collavuratura u in collavuratur da chanzlia.

Voss champ d'incumbensas

  • Sco collavuratura u collavuratur da chanzlia sustegnais Vus ils dus collavuraturs tar l'organisaziun administrativa da la chanzlia cun tut las activitads da l'elavuraziun preliminara e posteriura, per che las persunas giuridicas possian vegnir taxadas.
  • Vus controllais las annunzias che vegnan inoltradas ed endatais las fatschentas en l'applicaziun da computer e gidais en l'administraziun dals termins.
  • Vus essas la persuna da consultaziun al telefon per pajataglias, vischnancas sco er autras partiziuns ed autoritads.
  • En in team da 3 persunas surpigliais Vus substituziuns da vacanzas vicendaivlas e pudais sche necessari er lavurar ina giada a curta vista.

Quai che nus giavischain da Vus

  • Vus avais terminà ina furmaziun professiunala, da preferenza en il sectur commerzial, ed avais in fitg bun dun per dumondas organisatoricas. Vus essas disada u disà da lavurar en moda independenta, avais l'abilitad da supportar squitsch e da lavurar en in team, essas ina persuna flexibla e disponis d'ina tscherta capacitad da persvader.
  • Bunas enconuschientschas da las applicaziuns da Microsoft Office sco er in'experientscha professiunala da plirs onns cumpletteschan Voss profil.
  • Vus avais plaschair dal contact cun la clientella, e Vossa moda da communitgar avertamain sco er Voss stil segir en tudestg faciliteschan Vossa lavur. 
  • En il cas ideal avais Vus er enconuschientschas dal talian.

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Administraziun da taglia
Steinbruchstrasse 18
7001 Cuira
Nus ans legrain da Vossa annunzia online e da far Vossa enconuschientscha.