Mastergnanta u mastergnant per il servetsch d'avaria

Uffizi da construcziun bassa | 100 % | San Bernardin

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d'aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter quellas datti punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, fan che nossa lavur è pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).

Per il 1. da settember 2024 u tenor cunvegna tschertgain nus ina mastergnanta u in mastergnant per il servetsch d'avaria a San Bernardin per la partiziun Mantegniment da las vias en la secziun Tecnica 

Voss champ d'incumbensas

  • Collavurar en in pitschen team che fa lavurs da mantegniment vi dals stabiliments dal tunnel ed indrizs da segirezza sin la rait da las vias chantunalas e naziunalas 
  • Far servetsch da pumpiers e da pichet en il team d'avaria da San Bernardin

Quai che nus giavischain da Vus

  • Scolaziun professiunala terminada en la branscha electrica, da construcziun da metal u informatica 
  • Intgins onns experientscha professiunala
  • Scolaziun da pumpiers, curs da basa 1 sco er curs da salvament sin via èn giavischads
  • Grond senn da responsabladad sco er abilitad da supportar squitsch mental e fisic 
  • Prontezza da lavurar irregularmain e da far servetsch da pichet
  • Permiss da manischar da la categoria C u la prontezza d'acquistar tal
  • Bunas enconuschientschas en l'applicaziun dal computer (Microsoft Office)
  • Giavischadas èn bunas enconuschientschas dal talian e dal tudestg

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi da construcziun bassa dal Grischun, Secziun tecnica
Strada del frach 6
6565 San Bernardino

Per dumondas stat Sandro Mura, manader da la secziun Tecnica, gugent a Vossa disposiziun sut il numer da telefon 081 632 56 05.

Termin d'annunzia: 
30 da zercladur 2024

Nus ans legrain da Vossa annunzia online e da far Vossa enconuschientscha.