Tgiradra u tgirader d'objects, pedella u pedel

Uffizi da construcziun auta | 100 % | Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Sco post spezialisà dal sectur da construcziun dal chantun Grischun tgira l'Uffizi da construcziun auta ils interess dal chantun sco proprietari e possessur d'immobiglias ubain sco patrun da construcziun ed è responsabel per tut las prestaziuns dal management d'immobiglias. Quai cumpiglia la structuraziun dal portfolio d'immobiglias, la planisaziun, la realisaziun e la gestiun d'immobiglias sco er cussegliaziuns.

Nus tschertgain per il 1. da settember 2024 u tenor cunvegna ina tgiradra u in tgirader d'objects, ina pedella u in pedel.

Sco tgiradra u tgirader d'objects, pedella u pedel As spetgan in ambient da lavur avert en il center da Cuira, pussaivladads attractivas d'absolver furmaziuns supplementaras sco er spazi per la famiglia e per la concepziun dal temp liber.

Voss champ d'incumbensas

  • Surpigliar la responsabladad per il mantegniment da l'edifizi e da las installaziuns tecnicas
  • Esser responsabla u responsabel per la schubradad e per l'urden en l'edifizi e sin il bain immobigliar Quai cumpiglia il nettegiament, la dismessa da rument e la tgira da surfatschas externas e verdas 
  • Survegliar las installaziuns da segirezza en l'edifizi, sco detecturs d'incendis, sortidas d'urgenza u sistems d'alarm e da surveglianza, sco er procurar che tut las prescripziuns e directivas legalas vegnian observadas
  • Far reparaturas pitschnas ed eliminar disturbis
  • Esser persuna da contact directa per las collavuraturas ed ils collavuraturs da l'administraziun chantunala e per ils mastergnants, prender encunter giavischs e dumondas sco er coordinar ils pass necessaris per eliminar problems
  • Manar il persunal da nettegiament attribuì 
  • Coordinar ils purschiders da servetschs ed ils furniturs
  • Surpigliar la responsabladad per rumir la naiv dals passapes e da las plazzas da parcar

Quai che nus giavischain da Vus

  • Scolaziun terminada en il sectur artisanal u tecnic
  • Furmaziun supplementara sco pedella u pedel APF u prontezza d'absolver questa furmaziun
  • Grond senn da responsabladad e da qualitad
  • Prontezza d'agir en cas d'intervenziuns tecnicas
  • In pensar cumplessiv sco er ina moda da lavurar independenta ed orientada a soluziuns
  • Bunas enconuschientschas en l'applicaziun dal computer

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi da construcziun auta
Ringstrasse 10
7001 Cuira
Per dumondas stat Daniel Crespo, manader Objects, gugent a Vossa disposiziun sut il numer da telefon 081 257 36 48 u per e-mail daniel.crespo@hba.gr.ch.

Termin d'annunzia: 30 da zercladur 2024
Nus ans legrain da Vossa annunzia online e da far Vossa enconuschientscha.