Incumbensada u incumbensà per relaziuns externas

Chanzlia chantunala, sectur spezial Relaziuns externas | 100 %, durada illimitada | Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Chanzlia chantunala è il post general da stab, da coordinaziun e da colliaziun dal Cussegl grond, da la Regenza e da l'administraziun dal chantun Grischun. Il sectur spezial Relaziuns externas è responsabel per la coordinaziun da las relaziuns dal Grischun cun auters chantuns, cun la Confederaziun e cun l'exteriur vischin.

Nus tschertgain per il 1. da settember 2024 u tenor cunvegna ina/in incumbensada u incumbensà per relaziuns externas.

Voss champ d'incumbensas

  • Coordinar e tgirar a l'intern ed a l'extern las relaziuns chantunalas externas 
  • Sustegnair la direcziun da la commembra e dals commembers da la Regenza sco er dal chancelier en il sectur da las relaziuns externas
  • Tgirar gremis e dossiers interchantunals e transcunfinals 
  • Monitorar temas e fatschentas sin plaun federal
  • Manar projects strategics da la Chanzlia chantunala ed occurrenzas da la Regenza
  • Garantir il servetsch da protocol

Quai che nus giavischain da Vus

  • In studi universitar terminà u in diplom d'ina scola auta spezialisada, da preferenza en politologia, en relaziuns internaziunalas, en giurisprudenza u en in sectur sumegliant
  • Bunas abilitads communicativas en tudestg e talian
  • Plirs onns experientscha en il sectur da la politica u da l'administraziun e/u en in'organisaziun da non-profit
  • Dun da contractar e sensori politic 
  • Bunas enconuschientschas da la cuntrada politica dal chantun e da la Svizra
  • Moda da lavurar fidada, independenta ed orientada als servetschs ed in pensar cumplessiv

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Chanzlia chantunala
Reichsgasse 35
7001 Cuira
Nus ans legrain da Vossa annunzia online e da far Vossa enconuschientscha.