Referendaria u referendari per il dretg da burgais

Uffizi da migraziun e da dretg civil | 40–60 % | Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.

L'Uffizi da migraziun e da dretg civil ha actualmain passa 230 collavuraturas e collavuraturs en pli che 20 lieus ed è cumpetent per tut las incumbensas dal sectur da migraziun, q.v.d. en spezial per conceder e retrair permissiuns, per la collocaziun e l'assistenza, per l'execuziun d'expulsiuns sco er per l'integraziun. Plinavant vegnan emess documents d'identitad per burgaisas e burgais svizzers, realisadas natiralisaziuns ed exequida la surveglianza da las autoritads da stadi civil. La sedia principala da l'Uffizi da migraziun e da dretg civil è a Cuira.

Per l'Uffizi da migraziun e da dretg civil tschertgain nus per il 1. da settember 2024 u tenor cunvegna ina referendaria u in referendari per il dretg da burgais

Voss champ d'incumbensas

  • Elavurar e coordinar dumondas da natiralisaziun da persunas estras sco er da Svizras e Svizzers che n'han betg il dretg da burgais grischun
  • Cussegliar persunas che vulan acquistar il dretg da burgais ed autoritads sin plaun communal
  • Collavurar stretgamain cun las autoritads da natiralisaziun sin plaun communal e federal

Quai che nus giavischain da Vus

  • Scolaziun commerziala terminada ed experientscha professiunala
  • Abilitads communicativas e plaschair vi dal contact direct cun persunas privatas, vischnancas (burgaisas) ed uffizis
  • Flair per dumondas giuridicas
  • Moda da lavurar independenta, fidada ed exacta sco er in bun dun receptiv
  • Bunas enconuschientschas da pliras linguas uffizialas chantunalas (tranter auter talian)

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi da fatgs da polizia e da dretg civil
Karlihof 4
7001 Cuira
Nus ans legrain da Vossa annunzia online e da far Vossa enconuschientscha.