Inschignera u inschigner da construcziun sco spezialista u spezialist per la planisaziun dal mantegniment

Uffizi da construcziun bassa | 80–100 % | Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d'aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter quellas datti punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, fan che nossa lavur è pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).

Nus tschertgain per il 1. da settember 2024 u tenor cunvegna ina inschignera u in inschigner da construcziun sco spezialista u spezialist per la planisaziun dal mantegniment per la secziun Servetsch tecnic

Voss champ d'incumbensas

  • Cooperar en in pitschen team da spezialistas e spezialists da tgirar l'entir sectur dal management da mantegniment da l'Uffizi da construcziun bassa
  • Survegliar il stadi architectonic da l'infrastructura da vias chantunala e scriver rapports
  • Manar las registraziuns da la tecnica da mesiraziun sin la rait da vias chantunalas ed analisar las datas cun meds auxiliars moderns
  • Gestiunar vastas bancas da datas (p.ex. MSE-GR)
  • Cooperar da sviluppar e definir novas applicaziuns specificas e d'optimar ils process
  • Diriger ed actualisar las activitads da mantegniment e da renovaziun che sa refereschan a la rait sco er fixar la strategia per obtegnair ina infrastructura stradala ch'è correspunda a las normas ed è optimada areguard ils custs dal ciclus vital

Quai che nus giavischain da Vus

  • Studi d'inschignera u inschigner da construcziun terminà (stgalim master, bachelor u sumegliant)
  • Experientscha professiunala da plirs onns en il management dal mantegniment dals implants d'infrastructura da las vias 
  • Enconuschientschas d'utilisaziun approfundadas en il sectur da l'analisa da datas
  • Grondas abilitads analiticas e concepziunalas
  • Moda da lavurar exacta ed independenta cun in grond senn per la qualitad
  • Abilitad da lavurar en in team ed in dun da communitgar
  • Plaschair da la lavur da team interdisciplinara
  • Bunas enconuschientschas dal talian e/u dal rumantsch èn giavischadas

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi da construcziun bassa
Loëstrasse 14
7001 Cuira

Per dumondas stat Andrea Obrecht, manader da la secziun Servetschs tecnics, gugent a Vossa disposiziun sut il numer da telefon 081 257 37 36.

Termin d'annunzia: 
30 da zercladur 2024

Nus ans legrain da Vossa annunzia online e da far Vossa enconuschientscha.