Spezialista u spezialist d'infurmaziun e da documentaziun per l'utilisaziun

Uffizi da cultura / Biblioteca chantunala dal Grischun | 60 % | Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per l'Uffizi da cultura / Biblioteca chantunala dal Grischun tschertgain nus per il 1. d'october 2024 u tenor cunvegna ina spezialista u in spezialist d'infurmaziun e da documentaziun per manar il team da l'utilisaziun.

Voss champ d'incumbensas

  • Coordinar e sviluppar vinavant ils process en il sectur da l'emprest e da la cussegliaziun
  • Far ils plans da servetsch
  • Collavurar tar la planisaziun e la realisaziun da visitas guidadas per gruppas e classas da scola
  • Surpigliar la responsabladad per l'emprest interbibliotecar
  • Far servetsch d'utilisaziun
  • Cussegliar clientas e clients
  • Collavurar a projects
  • Manar il team da l'utilisaziun

Quai che nus giavischain da Vus

  • In studi terminà en scienzas d'infurmaziun (SAS/universitad) u ina scolaziun equivalenta
  • Experientscha professiunala da plirs onns en ils fatgs da biblioteca en il sectur da l'utilisaziun, da l'emprest e dals servetschs da retschertga
  • Enconuschientschas dal sistem da biblioteca «Alma» èn d'avantatg
  • Experientscha d'elavurar concepts, rapports e da manar projects
  • In pensar ed agir innovativ sco er orientà als servetschs ed a las soluziuns
  • Fitg bunas abilitads da communicaziun ed experientscha da manar persunas
  • Fitg bunas cumpetenzas socials, atgna iniziativa, prontezza a la prestaziun ed abilitad da lavurar en in team
  • Enconuschientschas d'ina segunda lingua chantunala èn giavischadas

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi da cultura, Bibliotheca chantunala
Karlihofplatz
7001 Cuira
Per dumondas As stat Nadine Wallaschek, bibliotecara chantunala, 081 257 28 22,
nadine.wallaschek@kbg.gr.ch, gugent a disposiziun.

Termin d'annunzia: 28 da zercladur 2024
Nus ans legrain da Vossa annunzia online e da far Vossa enconuschientscha.