Manadra u manader da l'administraziun da la APUC filiala Grischun dal Nord

Autoritad per la protecziun d'uffants e da creschids dal Grischun | 80 % | Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Autoritad per la protecziun d'uffants e da creschids APUC è qua per persunas en miseria. Tgi che dovra agid e sustegn, po sa fidar da la APUC. Tar nus n'è betg in di sco l'auter. En il team interdisciplinar concepin nus activamain in avegnir segir per persunas creschidas, famiglias, uffants e giuvenils cun basegn da protecziun.

Nus tschertgain per immediat u tenor cunvegna ina manadra u in manader da l'administraziun da la APUC Grischun, filiala Grischun dal Nord.

Voss champ d'incumbensas

  • Avair la responsabladad per la direcziun organisatorica e persunala da l'administraziun che ha actualmain 5 collavuraturas e collavuraturs
  • Coordinar e surpigliar la responsabladad per las lavurs d'administraziun variadas sco il servetsch da telefon, il retschaviment, l'elavuraziun da la posta, l'elavuraziun e la spediziun da las decisiuns, l'administraziun dals dossiers da clients fisics ed electronics e l'archivaziun correcta
  • Rediger la correspundenza ed ulteriuras elavuraziuns specificas sco la contabilitad
  • Far lectorats da decisiuns e correspundenzas pretensiusas sco er scriver protocols e metter ensemen datas e statisticas
  • Gestiunar il sistem da controlla intern per las proceduras e mesiras, la controlla dals termins, la facturaziun e.u.v.

Quai che nus giavischain da Vus

  • Emprendissadi terminà sco commerzianta u commerziant AFQ u scolaziun sumeglianta
  • En il cas ideal experientscha professiunala en il sectur specific da la protecziun d'uffants e da creschids u en secturs sumegliants
  • Gronda experientscha da manar persunas e d'organisar ina chanzlia u in secretariat
  • Talent organisatoric cun ina moda da lavurar exacta, structurada ed orientada a las soluziuns
  • Fitg bunas enconuschientschas dal tudestg cun in bun stil 
  • In flair per cifras e per connexs da contabilitad
  • Gronda abilitad da supportar squitsch, plaschair da decider sco er capacitad da persvader e da communitgar
  • Ina persunalitad flexibla ch'è abla da lavurar en in team e cun in pensar cumplessiv
  • Gronda cumpetenza sociala ed empatia envers persunas en situaziuns da vita difficilas

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

KESB Nordbünden
Gäuggelistrasse 1, Postfach 357
7001 Cuira

Per dumondas As stat Dumeng Conti, manader da la APUC Grischun dal Nord, gugent a Vossa disposiziun sut il numer da telefon 081 257 49 70.

Termin d'annunzia: 
23 da zercladur 2024

Nus ans legrain da Vossa annunzia online e da far Vossa enconuschientscha.