Secretaria u secretari

Uffizi per la valitaziun d'immobiglias | 60–80 % | Scuol u Samedan

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la valitaziun d'immobiglias (UVI) fa las valitaziuns uffizialas da bains immobigliars en il chantun, e quai en sis lieus.

Questas valitaziuns vegnan communitgadas a las proprietarias ed als proprietaris. Plinavant vegnan las datas utilisadas vinavant da las autoritads fiscalas chantunalas e communalas, da l'Assicuranza d'edifizis dal Grischun sco er dals uffizis dal register funsil. Las valitaziuns da revisiun che vegnan fatgas vischnanca per vischnanca han lieu mintga 10 onns. Ultra da quai pon las proprietarias ed ils proprietaris dumandar da tut temp ina valitaziun.

Per il 1. d'october 2024 u tenor cunvegna tschertgain nus ina secretaria motivada u in secretari motivà per noss biro a Scuol u a Samedan

Voss champ d'incumbensas

  • Preparar, rectifitgar ed endatar datas da bains immobigliars en il program da valitaziun per las valitadras ed ils valitaders d'immobiglias
  • Communitgar disposiziuns da valitaziun e quints da taxas
  • Emprima persuna da contact per dumondas en scrit e per telefon
  • Liquidar en moda effizienta differentas lavurs administrativas
  • Sustegnair il team da valitaziun en fatgs administrativs

Quai che nus giavischain da Vus

  • Emprendissadi terminà sco commerzianta u commerziant AFQ u scolaziun sumeglianta
  • Expressiun segira en tudestg a bucca ed en scrit, enconuschientschas d'autras linguas chantunalas èn d'avantatg
  • Utilisaziun segira dals meds d'informatica moderns
  • Moda da lavurar structurada, independenta e precisa
  • Persunalitad orientada als servetschs ed a las soluziuns cun abilitad da lavurar en in team, prontezza a l'acziun ed atgna iniziativa

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi per la valitaziun d'immobiglias
Stradun 403A
7550 Scuol

Per dumondas contactai per plaschair Dania Sgier, responsabla per il persunal sut il numer da telefon 081 257 38 46 u per e-mail dania.sgier@aib.gr.ch.

Termin d'annunzia: 
23 da zercladur 2024

Nus ans legrain da Vossa annunzia online e da far Vossa enconuschientscha.