Mastergnanta u mastergnant per il lavuratori (mecanista u mecanist)

Uffizi da construcziun bassa, district 1 Cuira / 80–100 % / Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.

L'Uffizi da construcziun bassa è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d'aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter quellas datti punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, fan che nossa lavur è pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).

Per il 1. da settember 2024
u tenor cunvegna tschertgain nus ina mastergnanta u in mastergnant per il lavuratori (mecanista u mecanist) per la partiziun Mantegniment da las vias tar il district 1 Cuira

Voss champ d'incumbensas

  • Liquidar lavurs da reparatura, da mantegniment e da serrer vi da vehichels da differentas categorias sco er vi da maschinas e vi d'apparats
  • Procurar ch'ils vehichels e las maschinas sajan pronts per il servetsch da stad e d'enviern
  • Prestar servetsch da pichet (stad ed enviern)

Quai che nus giavischain da Vus

  • In diplom professiunal sco mecanista u mecanist d'autos, da maschinas agriculas u da camiuns ubain ina scolaziun equivalenta
  • Intgins onns experientscha professiunala
  • Abilitad da lavurar en in team, abilitad da supportar squitsch, flexibilitad ed orientaziun a la clientella
  • Permiss da manischar da la categoria C u la prontezza d'acquistar tal 
  • Bunas enconuschientschas d'utilisar il computer 

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi da construcziun bassa dal Grischun, District 1 Cuira
Ringstrasse 11
7000 Cuira

Per dumondas stat Ralf Hartmann, schef dal district 1 Cuira, gugent a Vossa disposiziun sut il numer da telefon 081 257 57 01.

Termin d'annunzia: 
23 da zercladur 2024

Nus ans legrain da Vossa annunzia online e da far Vossa enconuschientscha.