Manadra u manader dal lavuratori

Uffizi da construcziun bassa, district 4 Scuol / 80–100 % / Scuol

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.

L'Uffizi da construcziun bassa è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d'aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter quellas datti punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, fan che nossa lavur è pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).

Per il 1. da favrer 2025
u tenor cunvegna tschertgain nus ina manadra u in manader dal lavuratori per la partiziun Mantegniment da las vias tar il district 4 Scuol

Voss champ d'incumbensas

  • Manar ed organisar il pitschen manaschi da garascha e d'ufficina sco er collavurar activamain en il team
  • Far plans da lavur e da vacanzas dal persunal dal lavuratori
  • Planisar lavurs da mantegniment e da controlla vi da vehichels, maschinas ed apparats 
  • Preparar vehichels, maschinas ed apparats per il servetsch da stad e d'enviern
  • Planisar novas acquisiziuns
  • Prestar servetsch da pichet

Quai che nus giavischain da Vus

  • Scolaziun sco mecatronista u mecatronist d'autos, direcziun Vehichels utilitars, mecanista u mecanist da maschinas agriculas u scolaziun equivalenta
  • Scolaziun supplementara sco coordinatura u coordinatur da lavuratoris d'autos u prontezza d'absolver questa furmaziun supplementara u ina scolaziun equivalenta
  • Experientscha da manar persunas
  • Bunas enconuschientschas en l'applicaziun dal computer 
  • Permiss da manischar da la categoria C
  • Enconuschientschas dal talian e/u dal rumantsch èn giavischadas

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi da construcziun bassa dal Grischun, District 4 Scuol
Plattas
7550 Scuol

Per dumondas stat Rafael da Silva, schef dal district 4 Scuol, gugent a Vossa disposiziun sut il numer da telefon 081 257 69 57.

Termin d'annunzia: 
23 da zercladur 2024

Nus ans legrain da Vossa annunzia online e da far Vossa enconuschientscha.