Midacarriera sco manadra u manader da construcziun per il district 5

Uffizi da construcziun bassa | 80–100 % | Tavau Frauenkirch

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.

L'Uffizi da construcziun bassa è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d'aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L'infrastructura da las vias chantunalas cumpiglia passa 1450 construcziuns artifizialas, tranter quellas datti punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas da la natira che resultan la stad e l'enviern en noss chantun da muntogna, fan che nossa lavur è pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).

Per il 1. d'avust 2024
u tenor cunvegna tschertgain nus ina persuna che vul cumenzar ina nova carriera sco manadra u manader da construcziun per la partiziun Mantegniment da las vias tar il district 5 Tavau

Voss champ d'incumbensas

  • Collavurar tar la direcziun e tar la controlla dals plazzals attribuids sco represchentanta u represchentant dal patrun da construcziun
  • Terminar e coordinar las lavurs
  • Garantir la qualitad, la dimensiun e la realisaziun da l'entira lavur da contract
  • Far preventivs dals custs, documents da publicaziun e rendaquints
  • Survegliar il preventiv
  • Liquidar incumbensas tecnicas per il mantegniment da la via
  • Far servetsch da pichet sco manadra u manader d'acziun 

Quai che nus giavischain da Vus

  • Emprendissadi terminà en il sectur da construcziun
  • Intgins onns experientscha professiunala, en il cas ideal en il sectur da la construcziun bassa
  • Prontezza d'absolver sco midacarriera las furmaziuns supplementaras necessarias per exequir las incumbensas da la direcziun da construcziun
  • Prontezza d'emprender e forza da persvader
  • Persunalitad cun grondas cumpetenzas socialas, dun d'organisar e da contractar sco er abilitad da lavurar en in team

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi da construcziun bassa dal Grischun, District 5 Tavau
Landwasserstrasse 17
7276 Tavau Frauenkirch

Per dumondas stat Robert Müller, schef dal district 5 Tavau, gugent a Vossa disposiziun sut il numer da telefon 081 257 68 63.

Termin d'annunzia: 
23 da zercladur 2024

Nus ans legrain da Vossa annunzia online e da far Vossa enconuschientscha.