Controlladra u controllader

Servetsch da controlla agricula dal Grischun | ca. 20 dis da controlla per onn | Grischun

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi d'agricultura e da geoinfurmaziun (UAG) è in post da servetsch dal Departament d'economia publica e fatgs socials. El cumpiglia quatter partiziuns: Mesiras agriculas, Meglieraziuns da structura, Mesiraziun e Center da cumpetenza dal SIG.

Il Servetsch da controlla agricula (SCAGR) è in post d'inspecziun accredità tenor la norma ISO/IEC 17020. En la partiziun Mesiras agriculas è el responsabel per las controllas relevantas per l'agricultura sin manaschis da CPE e d'alpegiada. En il team da controlla dal SCAGR controllais Vus ils programs da pajaments directs, la protecziun dals animals, la producziun primara da plantas e d'animals e tranter auter er ils labels da dretg privat IP-SUISSE e MQ-Charn Svizra. 

Nus As purschain ina incumbensa variada e da gronda responsabladad en il SCAGR. Vus lavurais en in team cumpetent e motivà ed inscuntrais ina cultura d'interpresa positiva ed orientada als servetschs ed a las finamiras cun curtas vias da decisiun.

Per rinforzar il Servetsch da controlla agricula en il UAG tschertgain nus per il 1. da settember 2024 duas controlladras motivadas u dus controlladers motivads.

Voss champ d'incumbensas

  • Controllar ils programs da pajaments directs (CPE, PLCP, SRA e contribuziun da pasculaziun, alpegiada ed ulteriurs) da la protecziun dals animals, da la producziun primara (traffic d'animals, medicament veterinar, sanadad d'animals, igiena tar la producziun da latg) e da labels da dretg privat sco IP-SUISSE e MQ-Charn Svizra. 

Quai che nus giavischain da Vus

  • Diplom agricul cun almain 2 onns experientscha pratica sin in manaschi da CPE u in manaschi biologic. Experientscha pratica en la cultivaziun dad ers è d'avantatg. 
  • Bunas enconuschientschas d'utilisar il computer. 
  • Independenza, exactadad
  • Abilitads da communitgar, plaschair da prender decisiuns ed ina gronda forza da persvader
  • Calma ed inschign retoric, er en situaziuns difficilas 
  • Fidadadad ed ina gronda prontezza a la prestaziun 
  • Enconuschientschas dal rumantsch e/u dal talian èn d'avantatg 

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi d'agricultura e da geoinfurmaziun
Ringstrasse 10
7001 Cuira

Per dumondas davart la professiun stat Michael Burkard, manader dal ressort Fatgs da controlla, gugenta Vossa disposiziun sut il numer da telefon 081 257 24 05.

Termin d'annunzia: 
24 da zercladur 2024

Nus ans legrain da Vossa annunzia online e da far Vossa enconuschientscha.