Collavuratura u collavuratur da la chanzlia da la Dretgira regiunala Plessur

Dretgira regiunala Plessur | 100 % | Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Dretgira regiunala Plessur è ina dretgira civila e penala d'emprima instanza cun sedia a Cuira. Ella cumpiglia er la Dretgira chantunala da mesiras repressivas, l'Autoritad chantunala da mediaziun per dumondas d'egualitad sco er l'Uffizi da mediaziun cun l'Autoritad da mediaziun per dumondas da locaziun da la regiun Plessur. Per onn vegnan tractads ca. 2000 cas (incl. cas da la Dretgira da mesiras repressivas), che vegnan liquidads – en reguard administrativ – da la chanzlia da la dretgira che ha otg collavuraturas e collavuraturs.

Per la Dretgira regiunala Plessur tschertgain nus per il 1. d'october 2024 u tenor cunvegna
ina collavuratura u in collavuratur da la chanzlia.

Voss champ d'incumbensas

  • Administrar ils cas davent da l'entrada fin al rendaquint ed a l'archivaziun (elavurar la posta, controllar ils termins ed ils custs, far correspundenza generala cun las partidas, cun las advocatas ed ils advocats sco er cun las autoritads e.u.v.)
  • Organisar ed elavurar posteriuramain tractativas, audiziuns ed interrogaziuns
  • Scriver independentamain diversas correspundenzas, disposiziuns processualdirectivas e decisiuns 

Quai che nus giavischain da Vus

  • Ina scolaziun da basa commerziala terminada (maturitad professiunala è d'avantatg)
  • En il cas ideal experientscha professiunala tar ina dretgira, en in'advocatura u tar l'administraziun publica
  • Fitg bunas enconuschientschas dal tudestg 
  • Ina moda da lavurar structurada, prospectiva, independenta e precisa
  • Ina persunalitad fidada, da buna luna ed abla da lavurar en in team

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Dretgira regiunala Plessur
Theaterweg 1
7001 Cuira
Nus ans legrain da Vossa annunzia online e da far Vossa enconuschientscha.