Spezialista psicologica u spezialist psicologic per il Management chantunal da smanatschas

Polizia chantunala / Departament da giustia, segirezza e sanadad / Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Segirezza en il Grischun, per las abitantas e per ils abitants, per ils giasts da vacanzas, per las participantas e per ils participants da congress sco er per passantas e per passants, quietezza ed urden per tuts. Per quai procuran las polizistas chantunalas ed ils polizists chantunals. Di e notg, onn per onn, da tutta aura, sin las vias dals pass e sin las autostradas, en la citad ed en la champagna, sin las muntognas e giu en las vals. Dapertut ed adina èn ellas ed els pronts per porscher agid, per surpigliar acziuns da salvament, per far retschertgas, per cumbatter la criminalitad e per prender mesiras da prevenziun. Adina stat l'uman en il center. Vulais Vus sco persuna civila er daventar part da noss corp motivà?

Per il sectur Management chantunal da smanatschas (MCS) tschertgain nus a partir da l'october 2024 u tenor cunvegna ina spezialista psicologica u in spezialist psicologic.

Voss champ d'incumbensas

  • Elavurar en moda professiunala situaziuns da smanatscha e situaziuns da periclitaziun per impedir grevs delicts da violenza, incl. garantir mesiras per proteger persunas, autoritads ed instituziuns periclitadas
  • Garantir in management da cas spezialisà per impedir e per identifitgar fatgs penals, en spezial tals cunter l'integritad fisica, psichica e sexuala sco er violenza ideologica, religiusa e politica
  • Realisar discurs preventivs
  • Far screenings da ristga, giudicaments da la periclitaziun ed analisas da la ristga
  • Cussegliar persunas, autoritads ed instituziuns pertutgadas da violenza
  • Cussegliar persunas spezialisadas, autoritads ed instituziuns per in cas specific
  • Collavurar interdisciplinarmain entaifer la polizia sco er cun autoritads, instituziuns e scolas
  • Participar a discussiuns da cas, conferenzas da cas e rapports
  • Tegnair referats specifics
  • Manar lavuratoris orientads a la pratica per autoritads, instituziuns, scolas, organisaziuns e manaschis
  • Realisar furmaziuns supplementaras entaifer la polizia
  • Cooperar a l'ulteriur svilup dal management da smanatschas
  • Cooperar en cumissiuns, en gremis spezialisads sco er en gruppas da lavur e da project 
  • Participar a supervisiuns, furmaziuns supplementaras, dietas e coachings spezialisads

Quai che nus giavischain da Vus

  • Studi da master en psicologia cun accent sin psicologia forensica
  • Furmaziun supplementara (CAS) tenor libra tscherna en criminologia, psicologia da dretg, profiling, management da smanatschas u psicologia poliziala
  • Furmaziun supplementara (CAS) en cussegliaziun e coaching
  • Experientscha professiunala da plirs onns en funcziuns che han in connex cun il rom
  • Applicaziun/realisaziun segira da las basas giuridicas relevantas
  • Tecnica da lavur e da planisaziun structurada
  • Moda da lavurar interdisciplinara
  • Pensar cumplessiv e concepziunal, abilitads analiticas
  • Auta abilitad da communitgar, forza da persvader, flexibilitad
  • Fitg bunas cumpetenzas socialas e gronda autonomia
  • Prontezza d'absolver scolaziuns e furmaziuns supplementaras spezialisadas
  • Enconuschientschas da linguas estras èn giavischadas

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Polizia chantunala
Ringstrasse 2
7000 Cuira

Per dumondas davart la professiun stat il schef dal stab Adrian Sommer sut il numer da telefon 081 257 72 21 u il schef ad interim dal MCS Peter Blatter sut il numer da telefon 081 257 72 69, gugent a Vossa disposiziun.

Termin d'annunzia: 
23 da zercladur 2024

Nus ans legrain da Vossa annunzia online e da far Vossa enconuschientscha.