Giurista u Giurist Digitalisaziun

Departament da finanzas e vischnancas | 60-100% | Cuira

Lavurar là, nua che auters fan vacanzas.
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada.
Daventa ina part dal nov Post da stab Administraziun digitala tar il Departament da finanzas e vischnancas e sustegna nus tar la realisaziun da la transfurmaziun digitala. Dapi il 1. da schaner 2024 essan nus responsabels per la planisaziun strategica, la coordinaziun e la realisaziun da la Strategia Administraziun digitala Grischun 2024–2028. Nossa lavur includa l'entira administraziun chantunala. Nus avain colliaziuns en l'entira Svizra e tgirain mintga di il barat cun persunas spezialisadas, cun mainaprojects e cun purtaders da decisiuns che derivan da tut ils secturs – exactamain, sch'i sa tracta da temas da la digitalisaziun.

Per il 1. da november 2024 u tenor cunvegna tschertgain nus ina giurista u in giurist Digitalisaziun

Tar tias incumbensas multifaras tutgan en spezial

  • Manar projects en il sectur da la digitalisaziun da l'administraziun 
  • Elavurar relaschs, documents da consultaziun, missivas e propostas per mauns da la Regenza
  • Cussegliar e sustegnair il Post da stab Administraziun digitala en dumondas giuridicas
  • Elavurar recurs
  • Cussegliar ils departaments ed ils posts da servetsch en connex cun la legislaziun da la digitalisaziun  
  • Surpigliar il monitoring da trends ed dals svilups giuridics en il sectur da digitalisaziun
  • Colliar entaifer ed ordaifer l'administraziun chantunala

En il cas ideal has ti las suandantas qualificaziuns

  • Studi da scola auta en giurisprudenza terminà
  • Experientscha professiunala en l'administraziun publica, tar ina dretgira u en in'advocatura
  • Enconuschientschas dal dretg public ed administrativ sco er da la protecziun da datas
  • Affinitad per temas da la digitalisaziun e flair per lavurs interdisciplinaras
  • Experientschas en il management da projects ed enconuschientschas dar far acquisiziuns èn d'avantatg
  • In'expressiun irreproschabla en scrit ed a bucca en tudestg (enconuschientschas d'autras linguas uffizialas èn giavischadas)
  • Fitg bunas abilitads da coordinar, ina moda da lavurar concepziunala, structurada e che observa ils termins, atgna iniziativa, abilitads da supportar squitsch e da collavurar en in team

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Departament da finanzas e vischnancas
Reichsgasse 35
7001 Cuira
Per dumondas ta stat a disposiziun Marc Heuberger, manader dal Post da stab Administraziun digitala, sut il numer da telefon 081 257 32 13 ubain per e-mail marc.heuberger@dfg.gr.ch.

Termin d'annunzia: 23 da zercladur 2024
Nus ans legrain da tia annunzia online e d'emprender d'enconuscher tai.