Spezialista u spezialist d'infurmaziun dad IT

Uffizi da cultura / Biblioteca chantunala dal Grischun | 60 % | Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per l'Uffizi da cultura / Biblioteca chantunala dal Grischun tschertgain nus per il 1. da settember 2024 u tenor cunvegna ina spezialista u in spezialist d'infurmaziun dad IT.

Voss champ d'incumbensas

  • Sustegnair il team dad IT e la persuna responsabla dal portal da medias audiovisualas dal Grischun
  • Collavurar tar projects da digitalisaziun, tar l'administraziun da datas e tar l'archivaziun digitala
  • Controllar la qualitad da furniziun da datas
  • Realisar migraziuns da format
  • Elavurar directivas per differents process da digitalisaziun
  • Gidar a far tests da release ed updates da la software d'archiv
  • Preparar datas (crear SIP/AIP/DIP)

Quai che nus giavischain da Vus

  • Vus essas spezialista u spezialist dad I+D (SAS), informaticra u informaticher (SAS) u avais in diplom equivalent.
  • Enconuschientschas da l'informatica en il sectur bancas da datas ed applicaziuns web èn d'avantatg.
  • En il cas ideal avais Vus enconuschientschas da programmar VBA.
  • Vus enconuschais l'archivaziun digitala ed avais experientscha cun projects da digitalisaziun.
  • Vus enconuschais ils standards da l'archivaziun.
  • Vus essas versà cun Microsoft Office e cunzunt cun duvrar funcziuns en Excel.
  • Vus lavurais en moda independenta, savais lavurar en in team ed essas disada u disà d'elavurar e da realisar soluziuns en moda autonoma.
  • Enconuschientschas d'ina segunda lingua chantunala èn giavischadas.

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi da cultura, Bibliotheca chantunala
Karlihofplatz
7001 Cuira

Per dumondas As stat Urs Wider, manader IT, 081 257 29 16, urs.wider@kbg.gr.ch gugent a disposiziun.

Termin d'annunzia: 
16 da zercladur 2024

Nus ans legrain da Vossa annunzia online e da far Vossa enconuschientscha.