Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala dal Grischun (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas che han commess malfatgs, per impedir ulteriurs acts criminals.
Il Stabiliment giudizial Realta serva a l'execuziun averta dad umens tenor il Cudesch penal svizzer.
Nus tschertgain per immediat u tenor cunvegnaina collavuratura u in collavuratur d'orticultura
Voss champ d'incumbensas
- Assister, instruir ed accumpagnar persunas collocadas da differents circuls culturals
- Surpigliar la responsabladad per la preparaziun dals legums
- Gidar e far servetschs da substituziun en auters secturs da l'orticultura – en las serras ed en la producziun da legums
- Liquidar en moda cumpetenta ed entaifer ils termins tut las lavurs che resultan en il champ d'acziun
- Vus essas cumpetenta u cumpetent per survegliar la funcziun ed il mantegniment simpel da tut las maschinas e da tut ils stabiliments en il sectur da responsabladad
- Prestar servetschs da fin d'emna e da pichet en il bain puril, sco er en il servetsch d'assistenza e da segirezza dal Stabiliment giudizial Realta
Quai che nus giavischain da Vus
- In emprendissadi terminà (AFQ) sco ortulana u ortulan u sco pura u pur ubain in emprendissadi equivalent en la branscha verda
- Experientscha en la producziun da legums e da plantas da vaschs è d'avantatg
- Persunalitad flexibla ch'è abla da lavurar en in team e da supportar squitsch cun gronda cumpetenza sociala
- Motivaziun da lavurar cun persunas da differents circuls culturals
- Fitg bunas enconuschientschas dal tudestg – enconuschientschas da linguas estras èn d'avantatg
- Permiss da manischar da la categoria B
- Prontezza d'absolver la scolaziun sco spezialista u spezialist per l'execuziun giudiziala
- Conduita irreproschabla (naginas inscripziuns en il register penal ed en il register da scussiun)
Nus ans legrain da Vossa annunzia online e da far Vossa enconuschientscha.