Cussegliadra u cussegliader da vischnancas

Uffizi da vischnancas / Departament da finanzas e vischnancas / 80–100 % / Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da vischnancas procura che las vischnancas, las vischnancas burgaisas e las regiuns sajan organisadas tenor la lescha, possian ademplir lur incumbensas en atgna responsabladad e sajan finanzialmain saunas. 

Per l'Uffizi da vischnancas tschertgain nus per il 1. da schaner 2025 u tenor cunvegna ina cussegliadra u in cussegliader per las vischnancas italofonas.

Voss champ d'incumbensas

  • Cussegliar autoritads communalas ed il persunal communal en dumondas generalas da la gestiun e da l'administraziun da las vischnancas
  • Sustegnair il sectur da las finanzas e da la contabilitad dal maun public
  • Collavurar tar la surveglianza chantunala da las finanzas, tar la gulivaziun da finanzas e tar la refurma da vischnancas

Quai che nus giavischain da Vus

  • Scolaziun commerziala da basa extendida per ina scolaziun supplementara superiura u in diplom universitar en economia da manaschi resp. ina scolaziun da public management
  • Enconuschientschas detagliadas da las finanzas e da la contabilitad
  • Sentiment per dumondas giuridicas e politicas
  • Persunalitad independenta, fidada ed abla da lavurar en in team
  • In stil segir en talian a bucca ed en scrit, bunas enconuschientschas dal tudestg
  • Affinitad per las dumondas digitalas, savida segira dals instruments dad IT usitads (en spezial da Microsoft Office) 

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi da vischnancas
Rosenweg 4
7001 Cuira
Per dumondas stat Thomas Kollegger, manader da l'uffizi, gugent a Vossa disposiziun sut il numer da telefon 081 257 23 81 u per e-mail thomas.kollegger@afg.gr.ch.

Termin d'annunzia: 30 da zercladur 2024
Nus ans legrain da Vossa annunzia online e da far Vossa enconuschientscha.