Mainaproject per la planisaziun dal traffic public

Uffizi d'energia e da traffic | 80–100 % | Cuira

S'annunziar online
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi d'energia e da traffic è il center da cumpetenza chantunal per dumondas en ils secturs da l'energia e dal traffic public. En il sectur dal traffic public essan nus cumpetents per la planisaziun strategica e per la coordinaziun vicendaivla da tut il traffic public en il chantun Grischun. Nus coordinain il traffic public da la viafier e dal bus ed essan cumpetents per la planisaziun, per la projectaziun e per la realisaziun da projects a favur d'in traffic public prospectiv. Bunas colliaziuns cun la rait da viafier naziunala ed internaziunala sco er colliaziuns regularas e frequentas en il traffic regiunal e d'aglomeraziun èn d'impurtanza centrala per mantegnair e per sviluppar vinavant il Grischun sco spazi da viver, sco spazi turistic e sco spazi economic.

Per l'Uffizi d'energia e da traffic tschertgain nus cunvegna ina u in mainaproject per la planisaziun dal traffic public.

Voss champ d'incumbensas

  • liquidar la procedura d'urari annuala
  • planisar la purschida dal traffic public en il chantun Grischun cun la viafier e sin via
  • realisar e sviluppar vinavant il concept per il traffic public en il chantun
  • accumpagnar ils programs da svilup strategic (PROSTRA) da la Confederaziun
  • elavurar concepts da gestiun regiunals 
  • manar projects

Quai che nus giavischain da Vus

  • Inschignera u inschigner da traffic resp. planisadra u planisader da traffic ubain emprendissadi en il sectur da planisaziun cun furmaziun supplementara en economia e cun interess per il traffic public en il chantun Grischun
  • Interess per la collavuraziun interdisciplinara, dun da contractar e buna expressiun en il contact cun autoritads, federaziuns ed interpresas da transport
  • Experientschas en connex cun l'elavuraziun independenta da dumondas concepziunalas
  • Expressiun en in stil segir a bucca ed en scrit en tudestg
  • Bunas enconuschientschas dal talian èn d'avantatg

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi d'energia e da traffic
Ringstrasse 10
7001 Cuira

Per dumondas davart la professiun stat Thierry Müller, manader dal sectur Traffic public, gugent a Vossa disposiziun sut il numer da telefon 081 257 36 04 u per e-mail thierry.mueller@aev.gr.ch.

Nus ans legrain da Vossa annunzia online e da far Vossa enconuschientscha.
S'annunziar online