Referendaria u referendari da finanzas

Uffizi per la segirezza da victualias e per la sanadad d'animals / DES | 40 % | Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la segirezza da victualias e per la sanadad d'animals surveglia la chadaina da victualias davent da la producziun fin al product consumabel. Nus mantegnain e promovain la sanadad e la protecziun dals animals da chasa e da niz ed essan il center da cumpetenza da labor en il sectur da la segirezza da victualias e da la sanadad d'animals.

Per l'Uffizi per la segirezza da victualias e per la sanadad d'animals tschertgain nus per il 1. da settember 2024 u tenor cunvegna ina referendaria u in referendari per las finanzas.

Voss champ d'incumbensas

  • Vus controllais ils rendaquints da las spesas e registrais indemnisaziuns unicas
  • Vus tgirais il workflow dals crediturs e preparais quittanzas da cudeschaziun
  • Vus essas responsabla u responsabel per diversas facturaziuns
  • Vus elavurais las dumondas quotidianas pertutgant las finanzas e faschais scleriments
  • Vus sustegnais la direcziun en tut ils champs e surpigliais da temp en temp sia substituziun

Quai che nus giavischain da Vus

  • Scolaziun commerziala terminada (KV/E, SMC u sumegliant)
  • Experientscha professiunala en il sectur da finanzas
  • In dun extraordinari per cifras
  • Bunas enconuschientschas da la IT
  • Ina moda da lavurar proactiva e l'abilitad da lavurar en in team
  • Survista er en situaziuns hecticas 
  • Ina moda da lavurar exacta e structurada
  • Iniziativa, flexibilitad e fidadadad 
  • Bunas enconuschientschas dal talian

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi per la segirezza da victualias e per la sanadad d'animals
Ringstrasse 10
7001 Cuira

Per dumondas davart la professiun stat Lea Killias, manadra Finanzas ed IT, gugent a Vossa disposiziun sut il numer da telefon 081 257 89 28.

Termin d'annunzia: 
3 da zercladur 2024

Nus ans legrain da Vossa annunzia online e da far Vossa enconuschientscha.