Collavuratura u collavuratur dal revisurat

Autoritad per la protecziun d'uffants e da creschids dal Grischun | 80 % | Glion

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Autoritad per la protecziun d'uffants e da creschids APUC è qua per persunas en miseria. Tgi che dovra agid e sustegn, po sa fidar da la APUC. Tar nus n'è betg in di sco l'auter. En il team interdisciplinar concepin nus activamain in avegnir segir per persunas creschidas, famiglias, uffants e giuvenils cun basegn da protecziun. 

Nus tschertgain per il 1. da settember 2024 u tenor cunvegna ina collavuratura u in collavuratur per il revisurat da la APUC Grischun, filiala Surselva.

Voss champ d'incumbensas

  • Examinar independentamain inventaris, rapports da gestiun e quints da procuraturas e procuraturs professiunals e privats
  • Giuditgar investiziuns da facultad, partiziuns d'iertas e fatschentas d'immobiglias sco er preventivs inoltrads 
  • Scriver sbozs da decisiuns per mauns da las commembras e dals commembers da l'autoritad
  • Cussegliar en moda cumpetenta las procuraturas ed ils procuraturs professiunals e privats en dumondas da l'administraziun da la facultad 
  • Cooperar a l'inventarisaziun da las valurs da facultad da las persunas assistidas 
  • Star a disposiziun sco persuna da consultaziun per dumondas da l'administraziun da la facultad
  • Cooperar en la gruppa da lavur dal revisurat 
  • Far substituziuns en il secretariat

Quai che nus giavischain da Vus

  • Scolaziun da basa commerziala cun furmaziun supplementara en il sectur d'assicuranzas socialas, da fiduziaria e/u da finanzas e contabilitad (stgalim examen professiunal superiur, scola auta spezialisada u scolaziun equivalenta)
  • Experientscha professiunala en il sectur da bancas, d'assicuranzas u da fiduziaria, da preferenza en la protecziun d'uffants e da creschids
  • Interess e chapientscha per dumondas e connexs giuridics en la protecziun d'uffants e da creschids
  • Prontezza da s'acquistar il know-how necessari e da sa perfecziunar en ils secturs relevants
  • Moda da lavurar independenta, autonoma, exacta e pragmatica
  • Abilitad da supportar squitsch e da lavurar en in team sco er flexibilitad
  • Fitg bunas enconuschientschas dal tudestg e bunas enconuschientschas dal rumantsch a bucca ed en scrit, enconuschientschas dal talian èn d'avantatg
  • Bunas enconuschientschas en l'applicaziun dad Office
  • Gronda cumpetenza sociala ed empatia envers persunas en situaziuns da vita difficilas

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

KESB Surselva
Bahnhofstrasse 31
7130 Gilon

Per dumondas stat Giusep Defuns, manader da la filiala Surselva da la APUC, gugent a Vossa disposiziun sut il numer da telefon 081 257 62 40.

Termin d'annunzia: 
31 da matg 2024

Nus ans legrain da Vossa annunzia online e da far Vossa enconuschientscha.