Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi d'agricultura e da geoinfurmaziun è in post da servetsch dal Departament d'economia publica e fatgs socials. El cumpiglia quatter partiziuns: Mesiras agriculas, Meglieraziuns da structura, Mesiraziun e Center da cumpetenza dal SIG.
La partiziun Mesiraziun ha la responsabladad per la surveglianza da la mesiraziun uffiziala sco er per il cataster da conducts e maina il cataster da las restricziuns da proprietad tenor il dretg public (RPDP). Ultra da quai s'occupa ella dals projects da SIG entaifer l'uffizi e da l'administraziun dad IT.
Nus As purschain ina incumbensa variada e da gronda responsabladad en l'administraziun chantunala. Vus lavurais en in team cumpetent e motivà ed inscuntrais ina cultura d'interpresa orientada als servetschs ed a las finamiras cun curtas vias da decisiun.
Nus tschertgain per la partiziun Mesiraziun per il 1. da settember 2024 u tenor cunvegna ina manadra u in manader da project motivà sco digital leader (60–100 %).
Voss champ d'incumbensas
- Cussegliar e sustegnair la direcziun en l'ulteriur svilup digital
- Concepir e realisar projects da digitalisaziun entaifer l'uffizi en il rom da la strategia chantunala da digitalisaziun
- Manar il project dal cataster da las restricziuns da la proprietad da dretg public (RPDP)
- Sustegnair la partiziun Mesiraziun en ils fatgs da cataster e SIG
Quai che nus giavischain da Vus
- Scolaziun terminada sco inschignera u inschigner da geomatica u d'informatica SPF u SAS ubain cun in diplom equivalent
- Emprimas experientschas professiunalas en il sectur SIG, IT u fatgs da cataster
- Lavurar independentamain e la prontezza da manar agens projects
- Plaschair vi da la midada tecnologica
- Expressiun segira en tudestg a bucca ed en scrit, enconuschientschas d'autras linguas chantunalas èn d'avantatg
- Persunalitad orientada als servetschs ed a las soluziuns cun abilitad da lavurar en in team, prontezza a l'acziun ed atgna iniziativa
Nus ans legrain da Vossa annunzia online e da far Vossa enconuschientscha.