Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Nus tschertgain per l'Administraziun da finanzas / Departament da finanzas e vischnancas per il 1. da settember 2024 u tenor cunvegna ina spezialista u in spezialist per il management d'assicuranzas.
Voss champ d'incumbensas
- Administrar sco broker intern tut ils contracts d'assicuranza da l'administraziun chantunala e da las instituziuns cunassicuradas
- Tgirar en moda independenta e cumplessiva il portfolio d'assicuranzas
- Publitgar ils servetschs d'assicuranza tenor il dretg da las acquisiziuns publicas
- Reglar ils cas da donn en coordinaziun cun ils posts entaifer ed ordaifer l'administraziun sco er en stretga collavuraziun cun las societads d'assicuranza
- Sustegnair e substituir il manader da la partiziun en ils secturs budgetaziun, planisaziun ed SCI
- Administrar il sistem da la software specifica dad IT
Quai che nus giavischain da Vus
- Scolaziun commerziala da basa sco er ina scolaziun spezialisada en il sectur d'assicuranzas. P.ex. experta u expert d'assicuranzas cun certificat professiunal federal, gestiunaria u gestiunari d'assicuranzas dipl. SSS, Scola auta CAS ubain fiduziaria u fiduziari cun certificat professiunal federal sco er experientscha en il sectur d'assicuranzas
- Vus avais experientscha da plirs onns sco persuna spezialisada en la branscha d'assicuranza
- Vus avais in dun da contractar e savais represchentar ils interess dal chantun
- In bun dun receptiv ed in pensar cumbinatoric
- Vesair il potenzial d'optimaziun ed utilisar tal en ils process dal mintgadi
- Grond grad d'independenza ed ina ferma conscienza per la qualitad
- Abilitads analiticas e concepziunalas
- Plaschair da scriver texts pretensius sco er ina moda da lavurar exacta cun cifras
- Fitg bunas enconuschientschas a bucca ed en scrit dal tudestg
- Experientscha cun ils sistems d'informatica usitads e fitg bunas enconuschientschas da las applicaziuns da Microsoft Office
Nus ans legrain da Vossa annunzia online e da far Vossa enconuschientscha.