Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Perquai ch'il titular actual da la plazza vegn pensiunà, tschertgain nus en l'Uffizi da cultura / Biblioteca chantunala dal Grischun per il 1. da fanadur 2024 u tenor cunvegna ina spezialista u in spezialist dad I+D per la Cataloghisaziun.
Voss champ d'incumbensas
- Vus cataloghisais medias acquistadas da nov e medias da l'inventari vegl tant en moda formala sco er tenor il cuntegn
- En il rom da las unitads spezialisadas essas Vus responsabla u responsabel per plirs secturs spezials ed elegiais per quels las medias en tut las trais linguas chantunalas
- Cun far servetsch d'emprest sustegnais Vus il team Servetschs d'utilisaziun
- Vus surpigliais visitas guidadas per gruppas e per classas
- Vus collavurais en projects da la partiziun Cataloghisaziun sco er en projects che concernan pliras partiziuns.
- Vus sustegnais la manadra dal team da la partiziun Cataloghisaziun e surpigliais sia substituziun.
Quai che nus giavischain da Vus
- In studi terminà en scienzas d'infurmaziun (SAS/universitad) u ina scolaziun equivalenta
- Experientscha da plirs onns da cataloghisar differents tips da medias, da preferenza cun il sistem da biblioteca «Alma»
- Experientscha da cataloghisar tenor l'ovra reglamentara RDA
- Plaschair d'avair contact cun la clientella sco er d'intermediar noss servetschs en il rom da visitas guidadas
- Vus lavurais en moda independenta ed organisada, essas ina persuna engaschada e perseveranta e lavurais gugent en il team
- Vus avais enconuschientschas d'ina segunda e forsa da la terza lingua chantunala
Nus ans legrain da Vossa annunzia online e da far Vossa enconuschientscha.