Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Mettai Voss talent giuridic en il center – daventai actuara u actuar da dretgira tar la Dretgira regiunala Malögia
Vus avais gugent sfidas giuridicas? Vus avais terminà in studi da giurisprudenza e possedais forsa schizunt ina patenta d'advocat? Perfect. Nus tschertgain ina persunalitad dinamica sco Vus che ans sustegna sco actuara u actuar da dretgira.
Cumenzament da la lavur: a partir dal 1. d'october 2024 u tenor cunvegna.
Voss champ d'incumbensas
- Scleriments giuridics en il dretg civil e penal sco er en il sectur da la Lescha federala davart la scussiun ed il concurs.
- Sustegn da las derschadras e dals derschaders en connex cun la direcziun dal process.
- Protocollaziun durant tractativas giudizialas ed en connex cun registraziuns da cumprovas.
- Rediger decisiuns, sentenzias, conclus e disposiziuns.
- Dal rest resultan las incumbensas da la Lescha davart l'organisaziun giudiziala (DG 173.000).
Quai che nus giavischain da Vus
- In studi da giurisprudenza terminà en Svizra, patenta d'advocata u d'advocat è giavischada
- Experientscha pratica, en il cas ideal en ina dretgira u en in'advocatura.
- Savair fitg bain tudestg sco d'avantatg er enconuschientschas dal talian a bucca ed en scrit (l'ultim n'è dentant betg cundiziun d'engaschament).
- Utilisaziun segira da las applicaziuns usitadas da Microsoft Office.
Nus ans legrain da Voss documents d'annunzia cumplets, inclusiv curs da vita, attestats da lavur dals ultims onns, referenzas sco er extracts actuals dal register penal e dal register da scussiun.