Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi d'agricultura e da geoinfurmaziun è in post da servetsch dal Departament d'economia publica e fatgs socials. El cumpiglia quatter partiziuns: Mesiras agriculas, Meglieraziuns da structura, Mesiraziun e Center da cumpetenza dal SIG.
La partiziun Mesiras agriculas è cumpetenta per exequir la legislaziun relevanta per l'agricultura che sa basa sin la politica agrara da la Confederaziun.
En il team da controlla manais Vus il secretariat dal Servetsch da controlla agricula dal Grischun (SCAGR) ed essas la persuna da contact spezialisada per la cumprova da la prestaziun ecologica (CPE) ed ils programs da pajaments directs.
Nus As purschain ina incumbensa variada e da gronda responsabladad en l'administraziun chantunala. Vus lavurais en in team cumpetent e motivà ed inscuntrais ina cultura d'interpresa positiva ed orientada als servetschs ed a las finamiras cun curtas vias da decisiun.
Nus tschertgain per il ressort Fatgs da controlla en la partiziun Mesiras agriculas per il 1. avust 2024 u tenor cunvegna ina persuna motivada sco referendaria u referendari (80 %) en il Servetsch da controlla agricula.
Voss champ d'incumbensas
- Manar il secretariat dal Servetsch da controlla agricula dal Grischun
- Elavurar e plausibilisar ils resultats da controllas sco er scriver la correspundenza
- Esser la persuna da contact spezialisada per las puras ed ils purs en il sectur da la CPE e dals programs da pajaments directs
- Sustegnair il manader Fatgs da controlla da scolar ed da perfecziunar las controlladras ed ils controlladers, dad accreditar il post da controlla, da planisar campagnas da controlla sco er d'elavurar ulteriurs projects
- Collavurar a l'execuziun dals pajaments directs
Quai che nus giavischain da Vus
- Ina scolaziun da basa agricula u ina scolaziun terminada sco commerzianta u commerziant AFQ cun ina basa agricula
- Fitg bunas enconuschientschas d'ir enturn cun il computer
- Independenza, exactadad, atgna iniziativa e talent organisatoric
- Abilitads da team e da communitgar, plaschair da prender decisiuns ed ina gronda forza da persvader
- Fidadadad ed ina gronda prontezza a la prestaziun
- Expressiun segira en tudestg a bucca ed en scrit, enconuschientschas d'autras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.