Spezialista u spezialist da finanzas e contabilitad

Administraziun da finanzas / DFV | 80–100 % | Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Nus tschertgain per l'Administraziun da finanzas per il 1. d'avust 2024 u tenor cunvegna ina spezialista u in spezialist da finanzas e contabilitad.

Voss champ d'incumbensas

  • Cussegliar e sustegnair posts da servetsch en il sectur da la contabilitad da finanzas e da manaschi
  • Cussegliar ils posts da servetsch en il sectur da la taglia sin la plivalur ed emetter ils rendaquints per la taglia sin la plivalur
  • Far il support dal segund nivel per las utilisadras ed ils utilisaders dal sistem da contabilitad central
  • Esser responsabla u responsabel per la IT e per la logistica cun l'administraziun d'utilisaders en l'Administraziun da finanzas
  • Collavurar a projects
  • Sustegnair ils ulteriurs ressorts en l'Administraziun da finanzas

Quai che nus giavischain da Vus

  • Scolaziun commerziala da basa e furmaziun supplementara en finanzas e contabilitad
  • Experientscha professiunala en fatgs da finanzas e da contabilitad, en il cas ideal en il sectur da dretg public
  • In bun dun receptiv ed in pensar cumbinatoric
  • Vesair il potenzial d'optimaziun ed utilisar tal en ils process dal mintgadi
  • Grond grad d'independenza ed ina ferma conscienza per la qualitad
  • Abilitads analiticas e concepziunalas 
  • Lavur exacta cun cifras
  • Bunas enconuschientschas dal tudestg a bucca ed en scrit, enconuschientschas dal talian e dal rumantsch èn d'avantatg
  • Experientscha cun ils sistems d'informatica usitads e fitg bunas enconuschientschas da las applicaziuns da Microsoft Office

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Administraziun da finanzas
Steinbruchstrasse 18
7001 Cuira

Per dumondas specificas stat Reto Frey, manader Contabilitad, gugent a Vossa disposiziun sut il numer da telefon 081 257 33 14 ubain per e-mail sut reto.frey@five.gr.ch.

Termin d'annunzia: 20 da zercladur 2024

Nus ans legrain da Vossa annunzia online e da far Vossa enconuschientscha.