Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Servetsch psicologic da scola dal Grischun è ina partiziun da l'Uffizi per la scola populara ed il sport. Nus tschertgain per ils posts regiunals Tavau e Landquart per il 1. da settember 2024 fin la fin da fanadur 2025 in'assistenza psicologica da scola. En il pensum da lavur è previs temp er per la furmaziun supplementara persunala.
Nus purschain in ambient da lavur avert e modern sco er uras da lavur flexiblas. En la pratica vegnis Vus sustegnida u sustegnì da las psicologas e dals psicologs da scola regiunals. Plinavant As participais Vus a la supervisiun interna, a dietas da team ed a furmaziuns supplementaras.
Voss champ d'incumbensas
- Cussegliaziun da scola e d'educaziun per geniturs e per persunas d'instrucziun
- Scleriment e cussegliaziun en cas da problems d'emprender, da cumportament e da svilup sco er en cas da dumondas da la carriera da furmaziun d'uffants e da giuvenils
- Accumpagnament psicologic e pedagogic d'uffants e da giuvenils
- Collavuraziun cun auters posts spezialisads
Quai che nus giavischain da Vus
- Diplom da master en psicologia
- Experientscha en il sectur d'uffants e da giuvenils
- Persunalitad averta e flexibla
- Buna expressiun a bucca ed en scrit per tudestg
Nus ans legrain da Vossa annunzia online e da far Vossa enconuschientscha.