Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d'aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin territori chantunal. L'infrastructura da las vias chantunalas cumpiglia passa 1450 construcziuns artifizialas, tranter quellas datti punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas che resultan la stad e l'enviern da la natira en noss chantun da muntogna, fan che nossa lavur è pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi.
La secziun Tecnologia da materials da la partiziun Construcziuns artifizialas è responsabla per garantir la qualitad dals materials da construcziun e dals sistems che vegnan duvrads sin l'entira rait da las vias chantunalas.
Nus tschertgain per il 1. da settember 2024 u tenor cunvegna ina manadra u in manader da la secziun Tecnologia da materials.
Voss champ d'incumbensas
- Manar la secziun Tecnologia da materials cun trais inschigneras ed inschigners e cun trais collavuraturas e collavuraturs en il rom da la controlla da materials da construcziun
- Definir las pretensiuns envers ils materials ed il sistem e far ils tests respectivs
- Cussegliar las persunas internas ed externas ch'èn participadas als projects, quai durant la planisaziun e durant l'execuziun da las lavurs
- Collavurar en il team da direcziun da la partiziun Construcziuns artifizialas
Quai che nus giavischain da Vus
- Studi terminà sco inschignera u inschigner da construcziun u da materials ubain ina scolaziun cumparegliabla cun plirs onns experientscha en il sectur da la controlla da materials u en la realisaziun da projects da construcziun
- Enconuschientschas da las normas svizras ed europeicas respectivas en il sectur betun, cuvrida u maschaidas nunliadas
- Enconuschientschas davart sistems d'isolaziun e da protecziun da surfatschas, davart process da corrusiun electrochemics u, en general, davart dumondas da material per giuditgar la duraivladad da construcziuns artifizialas cumpletteschan Voss profi
- Qualitads da manar, atgna iniziativa e forza da persvader
- Enconuschientschas dal talian e/u dal rumantsch èn giavischadas
Nus ans legrain da Vossa annunzia online e da far Vossa enconuschientscha.