Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d'aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin territori chantunal. L'infrastructura da las vias chantunalas cumpiglia passa 1450 construcziuns artifizialas, tranter quellas datti punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas che resultan la stad e l'enviern da la natira en noss chantun da muntogna, fan che nossa lavur è pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi.
Nus tschertgain per il 1. da november 2024 u tenor cunvegna ina mecanista u in mecanist ubain ina serrera u in serrer per il lavuratori da la partiziun Mantegniment da las vias tar il district 7 Tusaun
Voss champ d'incumbensas
- Liquidar lavurs da reparatura, da mantegniment e da serrer vi da vehichels da differentas categorias sco er vi da maschinas e vi d'apparats
- Procurar ch'ils vehichels e las maschinas sajan pronts per il servetsch da stad e d'enviern
- Prestar servetsch da pichet (stad ed enviern)
Quai che nus giavischain da Vus
- In diplom professiunal sco mecanista u mecanist d'autos, da maschinas agriculas u da camiuns ubain ina scolaziun equivalenta
- Intgins onns experientscha professiunala
- Abilitad da lavurar en in team, abilitad da supportar squitsch, flexibilitad ed orientaziun a la clientella
- Permiss da manischar da la categoria C è giavischà
- Bunas enconuschientschas en l'applicaziun dal computer (Microsoft Office)
- Enconuschientschas dal talian e/u dal rumantsch èn giavischadas
Nus ans legrain da Vossa annunzia online e da far Vossa enconuschientscha.