Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da migraziun e da dretg civil ha actualmain passa 230 collavuraturas e collavuraturs en pli che 20 lieus ed è cumpetent per tut las incumbensas dal sectur da migraziun, q.v.d. en spezial per conceder e retrair permissiuns, per la collocaziun e l'assistenza, per l'execuziun d'expulsiuns sco er per l'integraziun. Plinavant vegnan emess documents d'identitad per burgaisas e burgais svizzers, realisadas natiralisaziuns ed exequida la surveglianza da las autoritads da stadi civil. La sedia principala da l'Uffizi da migraziun e da dretg civil è a Cuira.
Per l'Uffizi da migraziun e da dretg civil tschertgain nus a partir d'immediat u tenor cunvegna in'assistenta u in assistent per il centers da transit dal sectur d'asil a Tavau Wolfgang.
Voss champ d'incumbensas
- Sustegnair ed assister las clientas ed ils clients en las dumondas da la vita quotidiana
- Liquidar incumbensas administrativas e manar ils dossiers electronics
- Procurar ch'ils process en il viv manaschi dal center hajan lieu senza incaps
- Documentar e rapportar eveniments e svilups relevants en il center
- Prestar mintgatant servetsch da pichet ordaifer las uras da manaschi
Quai che nus giavischain da Vus
- Scolaziun da basa terminada en il sectur tecnic-administrativ, social u medicinal
- Abilitad da supportar squitsch sco er empatia en il contact cun differentas culturas ed istorgias da vita
- Moda da lavurar independenta cun orientaziun a las finamiras ed al team
- Pazienza, flexibilitad e forza da persvader
- Enconuschientschas da linguas estras ed il permiss da manischar autos da persunas èn d'avantatg
Nus ans legrain da Vossa annunzia online e da far Vossa enconuschientscha.