Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Administraziun chantunala da taglia è in post da servetsch dal Departament da finanzas e vischnancas dal chantun Grischun. L'Administraziun da taglia è responsabla per exequir la Lescha chantunala da taglia e la Lescha federala davart la taglia federala directa.
En questa cumpetenza surpiglia la partiziun Contabilitad, nua che la plazza publitgada è domiciliada sco Post da stab, la responsabladad per la facturaziun da las pretensiuns da taglia sco er las acziuns d'incasso correspundentas e la contabilitad da taglia.
Nus tschertgain per il 1. da fanadur 2024 u tenor cunvegna in'analista u in analist d'affars e managera u manager da test per applicaziuns d'incasso tar l'Administraziun da taglia / il Departament da finanzas e vischnancas.
Voss champ d'incumbensas
- Sustegnair la direcziun da la partiziun Contabilitad da tgirar e da sviluppar vinavant tut las applicaziuns d'incasso da l'Administraziun chantunala da taglia
- Esser persuna da contact per dumondas dal sectur spezial da las applicaziuns d'incasso sco er responsabla u responsabel per il management d'interfatschas tar las autras applicaziuns
- Esser responsabla u responsabel per la preparaziun e per l'analisa da datas da las applicaziuns d'incasso per crear evaluaziuns per incumbensa da posts interns ed externs
- Collavurar en connex cun lavurs da project da la partiziun Contabilitad
Quai che nus giavischain da Vus
- Bunas enconuschientschas da l'informatica ed experientschas en l'analisa ed en il testing d'applicaziuns e da process sco er en il requirement engineering
- Versada u versà en l'applicaziun da Microsoft Office, en spezial Excel
- In bun dun receptiv ed in pensar cumbinatoric
- Grond grad d'independenza e d'organisaziun sco er ina ferma conscienza per la qualitad
- Formulaziun da fatgs specifics confurma a l'adressat ed intermediaziun tranter utilisaders e sviluppaders d'applicaziuns
Nus ans legrain da Vossa annunzia online e da far Vossa enconuschientscha.