Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da construcziun bassa è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d'aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin territori chantunal. L'infrastructura da las vias chantunalas cumpiglia passa 1450 construcziuns artifizialas, tranter quellas datti punts d'ina autezza considerabla da fin 90 meters e tunnels d'ina lunghezza da fin 3 kilometers. Las sfidas che resultan la stad e l'enviern da la natira en noss chantun da muntogna, fan che nossa lavur è pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi.
Nus tschertgain per il 1. da zercladur 2024 u tenor cunvegna ina manadra u in manader da projects dad IT per la secziun Informatica
Voss champ d'incumbensas
- Manar en moda independenta projects dad IT
- Sustegnair l'evaluaziun da soluziuns dad IT
- Surpigliar la responsabladad per la coordinaziun da projects interns ed externs
- Manar en moda proactiva il preventiv, las resursas, las ristgas, las midadas e las dependenzas en il sectur spezial e d'incumbensas
- Elavurar concepts areguard la funcziunalitad, la segirezza, la qualitad e la rentabilitad
- Garantir l'observaziun da prescripziuns surordinadas da segirezza e da qualitad
Quai che nus giavischain da Vus
- Studi terminà en informatica economica (stgalim SSS, SAS u sumegliant)
- Furmaziun supplementara en management da projects (IPMA, Hermes u sumegliant)
- Plirs onns experientscha professiunala sco manadra u manader da project IT en il sectur da servetschs u en l'administraziun publica
- Grondas abilitads analiticas e concepziunalas
- Atgna iniziativa e conscienza per la qualitad
- Abilitad da lavurar en in team ed in dun da communitgar
- Bunas enconuschientschas dal talian e/u dal rumantsch èn giavischadas
Nus ans legrain da Vossa annunzia online e da far Vossa enconuschientscha.