Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Controlla da finanzas è l'organ spezialisà suprem da la surveglianza da las finanzas. Ella sustegna il Cussegl grond, la Regenza e las dretgiras tar la surveglianza da las finanzas da l'administraziun e da l'administraziun giudiziala. Las lavurs da la Controlla da finanzas vegnan fatgas tenor standards renconuschids (SA-CH, IIA e Cobit) e tenor directivas dal dretg administrativ e da l'economia da manaschi.
Nus tschertgain per il 1. da settember 2024 u tenor cunvegna in'experta u in expert da contabilitad ubain ina revisura interna u in revisur intern (60–100 %).
Voss champ d'incumbensas
- Controllar il quint annual dal chantun e las finanzas dals posts da servetsch chantunals
- Verifitgar l'existenza e l'efficacitad dal sistem da controlla intern per process da gestiun e per projects relevants
- Controllar la rentabilitad e la legalitad
- In'extensiun da las activitads en direcziun revisiun dad IT è previsa ed en direcziun d'analisas da las datas pussaivla
- Vus avais la cunresponsabladad per in giudicament professiunal e qualifitgà da la verificaziun. Cun ils rapports generais Vus plivalurs sco er segirezza per ils posts controllads e per las instanzas politicas
- Collavurar en moda consultativa en cumissiuns ed en gruppas da lavur
Quai che nus giavischain da Vus
- Scolaziun terminada en contabilitad u en economia da manaschi en ina scola auta spezialisada u universitad sco er experientscha da revisiun u da revisiun dad IT
- Diplom d'experta u d'expert da contabilitad CIA, CISA u ina scolaziun equivalenta è d'avantatg, ubain che Vus vulais acquistar in tal diplom cumplementarmain a la professiun
- In bun dun receptiv per connexs cumplexs sco er ina gronda independenza ed atgna iniziativa
- Vus cuntanschais Vossa finamira cun As concentrar sin l'essenzial ed essas adina pronta u pront da prender per mauns novs aspects e novs problems
- En discurs stgaffis Vus in clima da stima e pudais represchentar ed argumentar Voss puncts da vista
- In proceder logic e sistematic en connex cun analisas
- Vus percurschais svelt connexs interdisciplinars e las dumondas che resultan da quels
- Fitg bunas enconuschientschas en scrit dal tudestg, per pudair scriver rapports pretensius
- Ina persunalitad ch'è orientada al team e cun in pensar interdisciplinar
- Experientschas praticas en il sectur da l'analisa da datas èn bainvegnidas
Nus ans legrain da Vossa annunzia online e da far Vossa enconuschientscha.