Manadra u manader scientific «intermediar»

Uffizi da cultura / Servetsch archeologic dal Grischun | 80–90 % | Cuira

S'annunziar online
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per l'Uffizi da cultura / Servetsch archeologic dal Grischun tschertgain nus per il 1. d'avust 2024 u tenor cunvegna ina manadra u in manader scientific «intermediar».

Voss champ d'incumbensas

  • Manar scientificamain il sectur specific «intermediar» sco er il persunal da tal
  • Coordinar ed organisar projects archeologics da perscrutaziun, d'evaluaziun e da publicaziun
  • Manar scientificamain e redacziunalmain la retscha «Archäologie Graubünden»
  • Scriver atgnas contribuziuns scientificas davart l'archeologia en il Grischun
  • Intermediar en moda innovativa temas archeologics 
  • Tgirar scientificamain persunas en uffizi d'onur e dumondas da terzas persunas 
  • Far lavurs concepziunalas situativas e collavurar tar exposiziuns spezialas e permanentas
  • Sviluppar vinavant la lavur da la tgira da monuments pertutgant il terren ed ils standards 

Quai che nus giavischain da Vus

  • Diplom d'ina scola auta en il sectur da l'archeologia (archeologia dal temp preistoric, dal temp roman provinzial e/u dal temp medieval e dal temp nov), d'avantatg cun doctorat 
  • Experientscha da blers onns en projects archeologics d'evaluaziun e da publicaziun
  • Enconuschientschas excellentas da l'archeologia svizra e da l'istorgia culturala 
  • Blera rutina en la communicaziun scientifica ed en furmas da la publicaziun digitala 
  • Stil segir d'As exprimer ed excellentas abilitads da communitgar (en scrit ed a bucca) per tudestg 
  • Moda da lavurar structurada, precisa ed independenta sco er experientscha da manar persunas 
  • Enconuschientschas d'ina segunda lingua chantunala

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi da cultura, Servetsch archeologic
Gürtelstrasse 89
7001 Cuira

Per dumondas stat dr. Thomas Reitmaier, archeolog chantunal, 081 257 48 60, thomas.reitmaier@adg.gr.ch gugent a Vossa disposiziun.

Termin d'annunzia: 19 da matg 2024

Nus ans legrain da Vossa annunzia online e da far Vossa enconuschientscha.
S'annunziar online