Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala dal Grischun (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas che han commess malfatgs, per impedir ulteriurs acts criminals.
Per sustegnair ils dus stabiliments per l'execuziun giudiziala a Cazas tschertgain nus ina spezialista u in spezialist da sistems ICT
Voss champ d'incumbensas
- Esser qua sco persuna da contact per problems d'informatica – first e second level; far l'emprima analisa ed ev. coordinar cun gestiunaris e furniturs
- Collavurar tar l'introducziun dad M365 ed en connex cun projects da digitalisaziun da tut gener
- Installar plazzas da lavur al computer
- Procurar per il funcziunament ed il mantegniment d'installaziuns spezialas (p.ex. apparats offline en l'execuziun giudiziala)
- Registrar empustaziuns da hard- e da software
- Gestiunar ils stampaders ed ils apparats multifuncziunals da l'unitad administrativa
- Sustegnair il sectur da la segirezza d'informatica
Quai che nus giavischain da Vus
- Scolaziun terminada sco spezialista u spezialist ICT AFQ u furmaziun equivalenta
- Experientscha en il sectur ICT support e scolaziuns
- Experientscha tant en il sectur software sco er hardware (installaziuns da Windows, stampaders, sistems da telefon e da videoconferenzas e.u.v.)
- Ina persunalitad da buna luna, ch'è abla da lavurar en in team, ch'è orientada als servetschs e che lavura en moda independenta, proactiva e fidada
- Experientscha en il sectur da la segirezza d'informatica è d'avantatg
- Fitg bunas enconuschientschas a bucca ed en scrit dal tudestg
- Conduita irreproschabla
Nus ans legrain da Vossa annunzia online e da far Vossa enconuschientscha.