Referendaria u referendari per il sectur Guaud da protecziun ed ecologia dal guaud

Uffizi da guaud e privels da la natira, 40–80 %, Cuira

S'annunziar online
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da guaud e privels da la natira (UGP) è il post spezialisà dal chantun per il guaud e per la protecziun cunter privels da la natira. Las collavuraturas ed ils collavuraturs dal UGP s'engaschan per ils basegns da la societad envers il guaud e garanteschan, ch'il guaud vegnia tractà en moda persistenta. Ellas ed els procuran ch'il guaud grischun

  • possia proteger la glieud, ils animals e l'infrastructura
  • saja il spazi da viver da bleras differentas spezias d'animals e da plantas
  • possia furnir materias primas sco lain, aua ed energia
  • restia vinavant in spazi da recreaziun e da temp liber per la glieud

Per il 1. da settember 2024 u tenor cunvegna tschertgain nus ina referendaria u in referendari per il sectur Guaud da protecziun ed ecologia dal guaud:

Voss champ d'incumbensas

  • Realisar la strategia chantunala Selvicultura e midada dal clima
  • Sviluppar vinavant las basas da la scienza dal lieu e selviculturalas per cultivar il guaud e collavurar en fatgs da contribuziun
  • Cooperar en dumondas davart semenza da multiplicaziun forestala e davart ulteriurs champs tematics dal curtin forestal chantunal
  • Elavurar projects e sviluppar concepts per realisar la strategia Spazi da viver guaud-selvaschina
  • Collavurar stretgamain cun las regiuns forestalas dal UGP e cun auters posts

Quai che nus giavischain da Vus

  • Diplom da scola auta spezialisada u da scola auta en scienzas natiralas, p.ex. inschignera u inschigner forestal u scienziada u scienzià da l'ambient: selvicultura u selvicultur SSS u ina scolaziun forestala equivalenta
  • Experientscha ed interess per dumondas selviculturalas
  • Moda da pensar analitica e prospectiva
  • Bunas enconuschientschas dal SIG e da la IT
  • Persuna iniziativa, orientada al team e fidada
  • Fitg bunas enconuschientschas dal tudestg a bucca ed en scrit, enconuschientschas dal talian e/u dal rumantsch èn d'avantatg.

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi da guaud e privels da la natira
Ringstrasse 10
7001 Cuira

Per dumondas ta stat gugent a disposiziun Marco Vanoni, manader dal sectur Guaud da protecziun ed ecologia dal guaud, telefon 081 257 38 57, marco.vanoni@awn.gr.ch ubain Ines Scherrer, responsabla per il persunal, telefon 081 257 38 77, ines.scherrer@awn.gr.ch.

Termin d'annunzia: 12 da matg 2024

Nus ans legrain da Vossa annunzia online e da far Vossa enconuschientscha.
S'annunziar online