Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Chanzlia chantunala è il post general da stab, da coordinaziun e da colliaziun dal Cussegl grond, da la Regenza e da l'administraziun dal chantun Grischun. La partiziun Relaziuns externas è responsabla per la coordinaziun da las relaziuns dal Grischun cun auters chantuns, cun la Confederaziun e cun l'exteriur vischin.
Nus tschertgain per la stad 2024 u tenor cunvegna ina praticanta u in praticant per il sectur spezial Relaziuns externas.
Voss champ d'incumbensas
- Retschertgar temas e svilups actuals sin plaun federal ed en il conturn interchantunal
- Preparar sesidas da las conferenzas da las regenzas
- Sustegnair la planisaziun e l'organisaziun da visitas, conferenzas ed occurrenzas
- Participar ad inscunters transcunfinals e conferenzas sco er scriver protocols
- Far incumbensas administrativas (p.ex. tgirar la banca da datas, gestiunar documents e correspundenza)
- Sustegnair auters projects specifics ed incumbensas en il sectur spezial Relaziuns externas
Quai che nus giavischain da Vus
- Diplom da bachelor u da master en las direcziuns da studi relaziuns internaziunalas, politologia, public management u en in sectur sumegliant
- Moda da lavurar fidada, independenta ed orientada als servetschs ed in pensar cumplessiv
- Bunas abilitads da communitgar ed in fitg bun stil en scrit en tudestg
- Avertadad per la collavuraziun interdisciplinara sur ils cunfins chantunals e naziunals
- Bunas enconuschientschas dal sistem politic svizzer sco er ina savida fundamentala davart il chantun Grischun
Nus ans legrain da Vossa annunzia online e da far Vossa enconuschientscha.