Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per l'Uffizi da cultura / Servetsch archeologic dal Grischun tschertgain nus per il 1. da fanadur 2024 u tenor cunvegna ina fotografa u in fotograf.
Voss champ d'incumbensas
- Documentar fotograficamain objects archeologics en il studio da fotografar (incl. SfM)
- Accumpagnar fotograficamain exchavaziuns archeologicas en il stil d'ina reportascha
- Inscenar fotograficamain objects per la stampa e per l'internet
- Elavurar professiunalmain fotografias
- Archivar las fotografias en la banca da datas tematica digitala
- Respunder dumondas da survegnir fotografias, en collavuraziun cun l'archiv e cun l'administraziun da chats
- Collavurar situativamain en cas d'exposiziuns spezialas
- Mantegnair ed emprestar l'equipament fotografic en il SAG
- Sviluppar vinavant la tecnica en il sectur da las documentaziuns digitalas
Quai che nus giavischain da Vus
- Scolaziun ubain experientscha u lavur da plirs onns sco fotografa u fotograf
- Experientscha en il sectur da la fotografia d'objects e da la fotografia da studio
- Enconuschientschas fundadas da l'elavuraziun digitala da fotografias cun Adobe Photoshop / Lightroom
- Enconuschientscha da bancas da datas digitalas
- Interess per la cultura e per l'archeologia sco er per las tecnicas digitalas
- Moda da lavurar structurada ed autonoma
- Certificat da pilot da dronas
- Permiss da manischar B
Nus ans legrain da Vossa annunzia online e da far Vossa enconuschientscha.